مشاعري في لحظة التيــــهـ(القصيـــده الأولى)

[فهد]

هذه القصيده من بنيات افكاري اتمنى ان تنال رضاكم



[poem=font="Arabic Transparent,5,black,bold,normal" bkcolor="skyblue" bkimage="backgrounds/6.gif" border="groove,4,blue" type=1 line=0 align=center use=ex num="0,black"]
وشلون حتى انتي قدرتي تبيعيه = ياكيف كنتي ناب في وقت الاذياب

سهله اذا خنتي ضميرك تخونيه = وسهله إذا هنتي تبيعين الأصحاب

وأسهل عليك أنك تقولين ما بيه = وأسهل عليك أكثرتسدين الأبواب

دام المشاعر لعبتك أنزعج ليه = ودام انكساري يفرحك ليه أرتاب

عزالله انه دور رائع لعبتيـــــه = ومني لكذبك كل نظرات الاعجاب

قولي الكلام اللي بقلبك كتمتيه = وقومي عليك الله سواليف وعتاب

ولا زانت الجلسه وزانت حكاويه = قولي حكاياته لعدوان و اصحــــاب

وقولي لهم انك عرفتي تجيبيه = وانك لعبتي لعب واحرقتي اعصاب

وقولي لهم كل ما بودك تقوليه = وقولي ثمان شهور والنيه أحباب

هالقلب ما عادت هجوسه تسليه = ما دام جرحه كان من ظلم الاقراب

ماهوب طفلٍ اقتلوا كل أمانيه = ولا هوب حلمٍٍٍ مات من دون أسباب

القلب قلبي يا عسى الله يخليه = للطاهر اللي شاب راسه ولا شاب

والجو جوه والليالي لياليـــــه = والجرح جرحه طاب أو مابعد طـــاب

إن شد ما صاحه ولو فيه ما فيه = شكواه للي من ترجاه ماخــــــــــاب

يضيق تغسل دمعة العين خافيه = ويزيد تملا لحيته دموع تنســـــــاب

ويظهر على سجادته شي يخفيــــــه = رحماك يارب يارب الأربــــــــــاب[/poem]

[الدب الداشر]

الله وأكبــــــــــــــــــــــــــــــــــر



صح لسانك ..



هذا الأبيات شرف للشــعر ..



قصيدة راااااااااائعة جداً جداً جداً .. إلى آخر أفق الإبداع ..



كل الشكــــــر والـــــــــتقديــــــــر لك ولــــســــمــــو أنــــــامــــلـكـ ..

[فهد]

صح بدنك..

ومشكور على المرور..

ولا هنت


ولك كل الشكر على هالكلااااام الرااااااااائع

[الدب الداشر]

فهد للمره الثانيه أسجل إعجابي

مره واحده لا تكفي ..


صح لسانك ..

[فهد]

صح بدنك.. مشكووووووووووووووووووووووووووووووووووووووووووووووو ووووور

[مصيول]

يادب خلاص مجاملات.
ويا أخ فهد تقول القصيدة من بنات أفكارك طيب نبي قصيدة من عيال أفكارك

[جرواني]

[align=center][align=center]فهوووووووووووووودي ارحمنا ياشيخ وش ذا الأبداع
يخرب بيتك على القصيده والله رائعه مثل روعه اسمك
والله راح فيها نزيه


الــــــــــشـــــــــاعــــــــــر الكبير / [glow=CCFF33][blink]فـــــــــهــــــــــد[/blink][/glow]
شـــــاعــــر منتدى رفــــــــحاء الــــــــــقادم
بــــــقــــــــوه الـــصـــاروخ
انتظروه[/align][/align]

[مصيول]

ياجرواني وينك ضايع والشرطة عمموا عليك .
سلم نفسك أنت محاصر.

[فهد]

مصيول مدري مصقول

..مشكووور على المرور..

جرواني..

العين ما تعلى على الحاجب

نزيه أستاذنا وانا طالب عند استاذي

وانا اتيه في بحره الخضم..

مع خالص الشكر والتقدير لك على مرورك ..

[العزام]

مبدع مبدع والله مبدع


صح لسانك اخووووي فهد ولا هنت

[فهد]

صح بدنك ويشرفني إطراءك الكبير يا عزام..

[نزيه]

ماهوب طفلٍ اقتلـوا كـل أمانيـه
ولا هوب حلمٍٍٍ مات من دون أسباب

القلب قلبي يا عسـى الله يخليـه
للطاهر اللي شاب راسه ولا شاب
الله عليك قصيده جميله من شاعرجزل اتمنى لك التوفيق صراحه بدايه رائعه اخوي فهد

[فهد]

شرف كبير لي مرورك..

ومشكوور وما قصرت..شاعرنا الكبير

[ابو مشعل]

ماشاء الله واثري منت بسيط فهودي

الله يعطيك العافية وننتظر المزيد

[نادر]

أخي العزيز / فهد ..

أقسم بالله العظيم أنني أقف عاجزا عن التعبير أمام هذه القصيدة الشامخة كشموخ شخصك الكريم ..

قمة في كل شيء ...

لن أزيد في الكلام لأنني لا أستطيع إعطاء هذه القصيدة حقها ..

صح لسانك ...

وتكفى .. تكفى .. تكفى .. لاتحرمنا من إبداعاتك

يادب خلاص مجاملات.
ويا أخ فهد تقول القصيدة من بنات أفكارك طيب نبي قصيدة من عيال أفكارك

أخوي مصيول ...

أولا : حياك الله معانا في هذا المنتدى الرائع ..

ثانيا : لاتظلم حظك .. الدب مايجامل .. القصيدة فعلا قمة في كل شيء ورائعة في معانيها ومفرداتها .. وهذا رأي كل شخص يتذوق الشعر ..

ثالثا : اتمنى ان يكون كلامك من باب الدعابة والمزح لا أكثر ولا أقل ..

رابعا : تقبل تحياتي