موتي أرحم ولا عيشة حياة مغبــــــــون
مكرمه للنفوس اللي تعاف المهونـــــــه
جيت أدورك في نفسي لقيت الظنــون
أشغلتني أعرف اللي هدفكم تبونــــــــه
جيت أدورك في صحوي لقيت العيـــون
حلمها فيك غايه وصل وصدقٍ ترونــــه
جيت أدورك في عقلي لقيتك جنــــون
آه ياكيف في المجنون حبك يخونـــــــه
جيت أدورك في عمرٍ من أجلك يهــون
جف وقتك وجاك العمر تمطر مــــــزونه
جيت أدورك في ليلي لقيتك سكــــون
يهجع القلب في قربك وتبري طعــــونه
جيت أدورك في همي لقيتك حنـــــون
مدله لي عساك تعيش لي دوم عونه
جيت أدورك في فني لقيتك شجــــون
أجمل اللحن في فني تمثلت لونـــــــه
جيت أدورك في الدنيا لقيتك تكـــــــون
أثمن اللي ملكته في حياتي أصونــــه

** قصيده مختاره لكم للفنان خالد عبدالرحمن (مخاوي الليل)**