[align=center]بسم الله الرحمن الرحيم



اخواني في هذا الصرح الشامخ


حبيت على غير العاده ان اجلب لكم هذه المتواضعه

في فخذ الدهامشه من عنزه


ولا على باقي القبايل زود

00
0[/align]

[poem=font="Simplified Arabic,5,black,normal,normal" bkcolor="transparent" bkimage="" border="groove,4,sienna" type=2 line=0 align=center use=ex num="0,black"]

يالدهمشي متعب يقولـون زعـلان=الذنـب ذنبـي والخطـا تدمحونـه
انت الذي تجزي خطايا بالأحسـان=وانا الذي مامشي طريق (الرعونه)
ياحزام ظهري عند ميلات الأزمان=ياشبـر/ كفي/بالقسـا/ والليـونـه
ربعك تفك المعضله يـا كحيـلان=عند الملاقـا خصمهـم يجدعونـه
دهامشـه يومنهـا /جوخ/وعنـان=كم خشم شيـخ ٍ باللقـاء /يدقمونـه
دهامشه لا شبـت الحـرب نيـران=حوض المنايا /جمعهـم /ياردونـه
يشهد لكم وإن ضبضبت وسط ميدان=لا فرعت / خطو/ الفتاة/المصونـه
منكم(غدير الموت) للهرج برهـان=(كعيم) خصمة والمـلا ينضرونـه
البيرق اللي منصلق مثل الأمـزان=وقف رشق غيمه قبل يـا صلونـه
عنز لهم لين اودع الـدم (غـدران)=واللي بقـا فـي موقفـه ينقلونـه
(كض السبيل) وعالج الراس دخان=وارخا العنان/ ولابتـه/ يسندونـه
اجلد رمكها وحتمت نـار بركـان=واللي حضر/ زفراتهـا /يشهدونـه
ما طاح راح ولا بقا فيه خسـران=واللي نجى عـن فعلتـه ينشدونـه
ساعة ضحى تختلبها (غب الأذهان)=واللي يبي المارد ترا الموت دونـه
استشملوهم/حصد/ذربيـن الأيمـان=واللي حرن من (مرعفه) يسعطونه
ومنكم(اخو جحلا) على الكود مشعان=(راع الطويسا)وكلكـم تخبـرونـه
(الغافلات)ليادرجن /وسط ريضـان=منهو بغاهن مـا تـداوى طعونـه
الصيرمي يدحم على الموت شفقـان=يموت /عـز / ولا يعيش/بمهونـه
(ورشيد) منكم كاسب الطيب شقران=(ارشيد ابن مجلاد) مـا تجهلونـه
يوم ٍ كل الجمـع ينظـر بالعيـان=عد // الصحيح/ وكلكـم تسمعونـه
قال الذي يبغى مكاسيـب الأكـوان=علـى سلـوم جدودنـا تفطمونـه
هذا الصحيح وكلمة الحـق نيشـان=وهـم الـذي نيشانهـم يقشعونـه
تاريخكم يالقـرم شامـخ الـي الأن=وعهد المشايـخ كلكـم تحفضونـه
نعم ٍ بكم يالقرم حضـر ٍ وبـدوان=والنعم بشـت ٍ ضافـي ٍ تلبسونـه
ولاهو قصور ٍ بالقبايـل ونكـران=الطيب يمدح/ والردى فـي عفونـه
والمعذره وإنكان بالهـرج نقصـان=مابي الكثيـر اخافكـم (تملهونـه)
ماقال (ابن ذعذاع) من نظم والحان=ياعـل كـل جموعكـم يقبلـونـه
وصلات ربي عد مخيول الأمـزان=على رسول ٍ ضممت في حصونـه
0
0

نايف عايد الذعذاع [/poem]
الـحـبـلانــي