تحياتي أحبتي وأشواقي....روحي ونبضي لكم ووجداني

بصراحه الفترة الماضية كنت (( دايخ))ومشغول شوي. لكن ادارة المنتدى قفلت ماضوع القضية الكبرى. واشوى افتكينا من الردود اللي ماله لا وجه ولا قفا يجي الواحد مطفي النور ويمشي ميتين. ويترزل ويحط رجله.

أخبار المرابطة:
والله ما ادري وش أقول ما باقي الا غرفة العجوز ما وقفوا به . يخرب بيتهم بكل حجر ما يستحون واذا ذبحهم البرد تكوموا تقل بساس بصراف الراجحي. واذا جيت تصرف قعدوا يقزونك .وتلقى كل واحد هالعصرية يتخير أحسن سيارة ويروح يتمركى عليها وكأنه يقول صوروني. ومعه الجوال ويلعب الثعبان.
لا واللي أحسن من كذا شفت هذولا حقون التدخل السريع في واحد منهم ما يجي وزنه عشرين كيلو بالله هالمسيكين وش يبي يتدخل والله لو يندفه حدى عرابجة الجنده له مخمس ليفقد الذاكرة شهرين .
والله والعالم ان عندي احساس كذا من الله عندي احساس ان اخيذة ضحى مع هالعساكر.

والا مرابطة الدفاع (المندي) ما دامهم ما يجون الحريقة الا وهي طافية بالله وشو له يرابطون...؟

اوه عاد كلش ولا مرابطة الحرس الوطني. والله ما جابوا خبر الحرب ولا دروا وش هي الدنيا عليه. والظاهر ان الفول والعدس انتهى علشان كذا انتهت المرابطة عندهم.

بعدين قريت ان امير كويتي (( علج)) على ما قال الصحاف تذكرت نكته خلوني اقوله لكم بعدين ارجع للعلج الكويتي. سألوا بوش قالوا له وش يقربلك بلير قال أبد أنا من العلوج وهو من الطراطير.. نعود مجددا يقول الخبر ان امير علج كويتي تبرع للمجندة الامريكية بسيارة لأن أمنيتها انها تملك سيارة ابو الشباب ما صدق خبر واشترى له سيارة عز الله انه من مطايا الاستعمار وكلمة مطي تأتي بمعاني عده لعل من أهمها في اللغة هو الحمار وشوارع رفحاء مليانه خصوصا الشارع الاصفر من الليل حتى الصبح.
وسلم لي على الموريتانية اللي عطت عمي منقاش الوليدة سيف من ذهب . اشهد انه مره واشهد انه رجل.

والله يا جماعة انا ما قاهرني بهالحرب كله الا ملعون ابو الصلايب بلير اللي تقل ركبة عنز وجهه. وويحي على سعد عتيق او صح مسجون لا والله لقيته ابو سطم . يحشره له بزاوية ومنين ما يوجعه ويتفل على وجهه ويقول له ((كذاب في وجهك)) هذي له سالفه بس خاصه. ويهدده ويقول له الكذب امامك والقبر قدامك. يا ملعون الوالدين.

وتقبلوا تحياتي
والسللللللللللللللام