[align=center]أعزائي أعضاء منتديات رفحاء

السلام عليكم و رحمة الله

اولا اتشرف بالانضمام لكم
في هالمنتديات
وعسى الله يجمعنا
الخير والعمل الصالح

............
وهذي قصيده و اتمنى انها تحوز على اعجابكم و رضاكم


[poem=font="Simplified Arabic,5,black,bold,normal" bkcolor="transparent" bkimage="" border="double,4,gray" type=0 line=1 align=center use=ex num="0,black"]
ياأبو محمد كن في داخلي نار=مال للفرح بصدورنا قابليه
قصه خبرها ينتشر عبر الأقمار=و مصورينه لين حوض المنيه
أول بدايتها بدت حرب شطار=و حنا نصفق ما نعرف القضيه
نقول جيتهم لنا فزعة أخيار=ما نحسب إنه جيت ٍ به أذيه
قالوا لنا حنا نبي نرجع الدار=اللي خذاها الطاغيه و البليه
هذا سبب دخولهم وسط الاقطار=و من بعدها خان الخوي بخويه
مشوا بخطتهم دعايات و امكار=و اليوم راس الشيخ صار الضحيه
جابوه للواقع بعد شرب الامرار=و نفذ عليه الحكم و الشمس حيه
يا ناس والله سالفه مثل الاثار=تبقى على طول الزمان محميه
ولاني على ما قيل فضاح الاسرار=شي ٍ حدث قدام كل البريه
الموت للمخلوق حق ٍ و مقدار=لو طال عمره بالحياة الشقيه
بس القهر موته على يد كفار=و كل العرب شافوا ولابه حميه
بعض العرب دور لموتته الاعذار=و حنا نسولف من ذبح له ضحيه
العلم واضح يا فهد مثل سنجار=و حنا نتجاهل دو قصد ٍ ونيه
هذا الذي خلاني أبدا بالاشعار=و هذا الذي زود جروحي عليه
و ختامها صلوا على سيد الابرار=محمد اللي حارب الجاهليه[/poem]



و سلامتكم[/align]