[align=center]السلام عليكم ورحمة الله وبركاته ..

اول شي هارد لك للهزيمه اليوم وبعطيكم رايي باللي حصل اليوم ..

الاخضر اليوم طبعا زي ماتوقعت انا يوم قلت بموضوعي امس تقديم لنصف نهائي كأس الخليج قلت اتمنى يفوز اللي يستاهل والحمد لله راحت للي يستاهلها لان لعيبتنا مايستاهلون الفوز اليوم ولا حتى التعادل منتخب مفكك مدرب غبي مفلس اتحاد اغبى بقيادة الامين فيصل عبدالهادي شلون بترجى بطولات من وراهم قائد منتخب مكانه بالفريق الرديف (صالح الصقري) يقود المنتخب لتحقيق البطوله خله يعرف يرفع كور بالاول مافي لاعب اليوم تحس انه لعب الا عبده عطيف بس والباقين للاسف مافي قتاليه مافي روح مدرب يوفر تغيراته الظاهر يفكر بيعطونه بالمباراه النهائيه 6 تغيرات بدال ثلاث مافي تكتيك مافي شي سيطره تامه بس مافي تسليم كور صح مافي عرضيات صح بصراحه كنت متوقع بهدف يجي باخر الدقايق لانك اذا ضغطت وماسجلت انتظر هدف بمرماك كل اللعيبه اليوم بعيدين عن مستواهم ماعدا عطيف وخوجه وكريري ومنتشري ..

خوجه : ماقصرت والهدف مو انت تتحمله ..
عطيف : يعطيك العافيه وماقصرت وتستاهل افضل لاعب ..
ياسر : وين قتاليتك يابو سعيد ماتعودنا كذا منك صراحه ..
مالك : اليوم لاهو عارف يثبت كور ولا يستلم صح ولا عارف يشوت ضايع ..
الحقباني : لاعب كان منقطع عن المباريات بعد انتقاله للشباب صعب يلعب 90 دقيقه كامله غريبه وعزيز جاهز يلعب بدر هو كابتن لكن ماكان يومه ..
الشلهوب : للاسف مو في جو المباراه مع انها مباراة حسم ..
معاذ : مافي رفعات صح وتنقطع منه الكوره كان من افضل السيئين ..
المنتشري : كان جيد اليوم ..
اسامه هوساوي : قدم مستوى لكن الكبري للاسف ضيع كل تعبه يفتقد للخبره..
كريري : جيد ..
الصقري : الكابتن يبيله صفحه كامله لا رفع صح ولا لياقه قام يتمشى مع ابو مطر اليوم ولا روح قياديه فيه الله يخلي لنا باكيتا بس ..

باكيتا : نجم المباراه قبل 2006 جننا بيصحح الوضع بعد 2006 برضو بيصحح الاخطاء قبل كاس الخليج بيدخل لاحتكاك الظاهر بيضحي باسيا عشان تصحيح الاخطاء والاحتكاك بس لاتلومونه الرجال حاط عينه بينافس البرازيل على 2010
خلوه يشتغل براحته ..
المنتتخب خروجه متوقع وصراحه كل المباريات اللي راحت زي ماقال ميتسو لعبو قدم فرق ناقصه واليوم طلعت علومهم ..

الحلول اذا يبون بطولات ..

يسوون فرمته لاتحاد الكره الناجح..
اقالة باكيتا واحضار مدرب عالمي يشتغل على رواقه ..
يدورون كابتن للمنتخب يقدر العلم والشعار ..

خروج متوقع واتمنى فوز عمان بالكأس لانه فريق يستاهل وعلى العموم بالتوفيق للجميع ..

هذي وجهة نظري واتمنى ماكون طولت عليكم ..[/align]