امنية مضارب :ابي تكلمني صبا ومايا وزينه ونادين

[هرطمان]

الاهداء للصديق محمد الرطيان بمناسبه الموضوع
المشرف القروي بمناسبه الاشراف
الغالي رفحاوي ( للمغثه والا ادري انه ما تجوز له )
الغالي راعي غنم بمناسبه العوده
الغالي ليث ما ادري ليه لاكن اغليه
المشرف السلهومي


ولكم جميع بلا استثنا محبه وتقدير

ماعاد هناك اسباب للسوق وكل من ايده اله
واحد شويب عاشق نادين وماعنده الا اكتتاب اعمار ههههههههههاااااي
ويتمناها تتصل به
فقلت القصيده على لسانه بعد الشبه اليوم العصر
الي اتمنى تحوز على رضاكم


السوق ضاعات به فلوس المساكين $$$ عقب الحيا عود عليهم بتجريح
لاحد محاسبهم ولا قايلٍ وين $$$ درعى وترعى بوسط الرمث والشيح
يا ليتني هامور وابلع ملايين $$$ واصنع قرار السوق وادلي بتصريح
العب بهم لعبة صغار البزارين $$$ لامن نذخ عند البني بالمراجيح
يوم المؤشر فوق وايام بالطين $$$ ماهو طمع لكن ابي هبة الريح
ابي تكلمني صبا ثم نسرين $$$ ومايا ووزينه وارفض ايات تلميح
لياما تجيني غاية القلب نادين $$$ مع بنت هاني يرثع شعيل ويطيح
له نغمة لامن حكت يخزي العين $$$ وله مبسم يشرق على الروح ويريح
خلي سهم سابك ووبيشه وتعدين $$$ وخلي بعد نتايج الربع لا اصيح
وشوفي سهم حبك غدابي ليا وين $$$ ضيعت باسبابك رجال زحازيح
باعوا اثاث بيوتهم والمواعين $$$ اما ارحمي وارحم وانهيت تصحيح
والا باخلي شعوبنا بالكلاسين $$$ واعلن عن اسباب المهازل بتصريح


البني = جمع بنت
لا احد محاسبهم + درعى= المقصود الهوامير