يالعود

طبعا الكلام موجه للعود

والعود هنا معناه البخور

^_^




يالعود

يالعود ما للجمر في قصه احراقك ... هم البشر طبعهم قسوه وانانيه

افنيت عمرك وفا لعيون عشاقك ... والناس في هالزمن محد(ن) ذكر حيه

وجه التشابه كبير الفرق بفراقك ... مر إحتراقه وانا اللي احترق ميه

يا ذا الزمن وانتساوى الليل بشراقك ... بعيون من حاظره يشبه لماضيه

ما عادني مخايل مزنك وبراقك ... وعسى الشقى ما يجي شغله وراثيه

يالحزن لولا الامل والصبر من طاقك ... مع البشر كن لك روح(ن) عدائيه

ويالحلو في هالزمان المر من ذاقك ... بقول واحد لا بقول اثنين بالميه

ان بعثرك هالزمن من يجمع اوراقك ... وان جمعك فعرف ان الوقت له نيه

يا ظحكت العمر ياني حيل مشتاقك ... لا شان وجه الزمن لا تقطع الجيه

ما قلتلي وش هالجفا من بعثر اشواقك .... وتدري بليالي الجفا ماهي بعاديه

اذا طروك احترق واشتاق لعناقك ... واقول تكفون لا تجيبون طاريه

ياما تمنيت اشوفك والزمن عاقك ... اللي مثل حالتي يا صعب امانيه

قد قالها شاعر عن قولهم باقك ... كن البلاوي تشابه مع بلاويه

مادامها بالتمني بطلب افراقك ... لان الاماني مع شرواي عكسيه


.......... وسلامتكم ...........