ربعي هل العليا زمان الكوابيح=الله خلقهم كارثه للقبايل

[راعي غنم]

يا راكب اللي زاهيتها اللواليح=حمراً حمار مخضبات الجدايل
حصا الوبر كان اعرضت ضامر الطيح=فجا النحر كان اقبلت راس صايل
بشتٍ حساوي ماشروه الشواحيح=على جناب الشيخ وافي الخصايل
لاروحت تاطا خشوم الصلافيح=و إن هوذلت تبري القلوب الغلايل
نضوة ذلولٍ ماقنوها الملاليح=حمراً عليها واحدٍ مايسايل
من لابتي ضارٍ على هبة الريح=غوش العيال اللي فدوه الهبايل
ملفاه بيتٍ مالبابه مفاتيح=لاقفل البيبان كلب العوايل
له ربعةٍ بها الطراقي مماريح=,مدهال عصمين الرجال الشكايل
بيت الذي تزهى شنبه التماديح=حرام ماهو بيت!!صالة حفايل
سلم طحيين ماحسب للمرابيح=قرمٍ فداه اللي جداه المثايل
ماهي غريبه لو بكن عنده الفيح=ولاهي جديده جدعته للجزايل
من لابةٍ وقت اللوازم مشافيح=على النقى و الطيب هل الفعايل
كواكبه يوم الليالي مكاليح=من روس ربعي من صماصيم وايل
ربعي هل العليا زمان الكوابيح=الله خلقهم كارثه للقبايل
مدهلة خطو الخوي بالمراجيح=,ستر القصير معدلة كل عايل
على الخوي سكر حلا بنكهة الشيح=سقم الحريب و معتلين الأصايل
لاجيتهم سلم على المصعي التيح=,سالم و قله ياكعام الفشايل
مايلام والله لو نسانا 1=و لاانلام والله لو نسونا الهضايل
ياعنك ماحنا بسيطن يالزيح=يومٍٍٍٍ ٍٍ يهاب اذكارنا كل مايل
ياكبرنا عند الرجال الطحاطيح=و ياطولنا عند الرجال الهوايل
و الروس مبطي يالمتين الدليبيح=فوق الغوارب والشوارب فتايل
فوق الجسد هاماتها يالشواريح=و إن كان زالت باقي الجسم زايل
صمايلٍ ٍ ماهي قصايد دواحيح=من قبل حصه و الجدود الاوايل
قبل الدريعي يعطي الربع تصريح=لعيون حصه ماتمص المشايل
من قبل لاتشره كبار الدراميح=على علومٍ ٍ مالفت بالسهايل
وقتٍ ٍ شروده يلكد القرح بقريح=يرقع به العريان جرد السمايل
يمتخ به القصاد و السالفه ميح=يذكر علوم و لايعد الدلايل
الشاعر اللي لو قصد (يامجاريح)=اشوى و الأشوى لو هاكاليوم 2
سوالفٍ ٍ تشدي علوم الفلاليح=ياعنك والله صق مامن صمايل
و الا الصمال اللي عليه الدواويح=يوم الشلافي و الرمك و الفتايل
لاثاع عج حذيهن يكثر الويح=دون الجهام معبسات الشمايل
عليٍ ٍ هبا من دونهن كل زحزيح=يرعن هيت زملوق وسم الخمايل
من النفود لنقرة الشام لشبيح=ليا الحماد لكبد لحدود حايل
راع الطمع من دونهن له مجاويح=و من دونهن يسبر نجوم القوايل
بسعود اهلها ماتهاب المساريح=خمس البدود معربين السلايل
و يوم المراجل جارك الله شلافيح=برباعهم مايسمدن الملايل
بمروبعاتٍ مدهلٍ للمفاليح=أم الرفاف اللي شحمها يتسايل
من مش الأيدي و الخوطر مشاريح=ياعنك محد ٍ مثلهم بالحمايل
عيال زايد والخرز بالمسابيح=نسل الجلاسي والسعد فوق جايل
(( أول سبب في انقراض المفاطيح=و آخر سبب في اختراع الطوايل))
أهل النقى يسقي ثرى قاعهم ريح=غر المزون و راهيات الثمايل
نارٍ على راس العلم للمراويح=في راس رمحٍ معتلي راس طايل
ماتنطفي لو يشعمون المصابيح=و شمس الضحى ماتنحجب بالمحايل
و الا المصرح مانبيله تصاريح=ليته يقددي ملبسه للفنايل
هذاك خله يبو ثامر ملا الريح=موكي الصميل معررطٍ بالشلايل
و اسلم و سلم ياكعام النوابيح=قول إبن عينا وسمعه كل قايل[/poem]

عبدالله شاكرالرويلي

1- الرقم المشار اليه ينص على اسم صريح وهو مايخالف سياسة المنتدى
2- الرقم المشار اليه يرمز لكلمه غير مهذبه
التعليق ونعم بهل العلياء وبكل القبائل