كل عضو يكتب لنا سرعة الانترنت دي اس ال واسم مزود الخدمه

[المهندس]

السلام عليكم ورحمة الله وبركاته
قبل عشرة اشهر دخلت خدمة الخطوط الرقميه دي اس ال الى مدينة رفحاء
وكنت من اوائل المشتركين بهذه الخدمه
التقيت بناس كثار مشتركين منهم اللي يمدح ومنهم اللي يسب !
فقلت ابي انزل الموضوع هذا لكي نطلع بفائده مع شويت شفايه عن افضل سرعه وافضل مزود خدمه
بالنسبة لي انا
السرعه عندي 1ميقا
المزود أول نت وراح اغيرها ان شاء الله بعد مايخلص الاشتراك وذلك لكثرة التقطيع فيها

تحياتي للجميع

هلا وغلالا

قصدك 1 قيقا لان مافيه 1 ميقا ولاحتى دايل اب

طيب

انا كنت من اول المشتركين بالرياض اول مادخلت الدي اس ال وكانوا يعطون الناس المودم هدية علشان يشجعونهم وكان مافيه اشتراك الا تروح للمركز الرئيسي حقهم وياخذون بطاقتك ويصورونها وسالفه طويله

المهم جربت اغلب الشركات والاشتراكات

والحقيقة انه فيه اشياء ثانية مهمة باختيار الشركة وصحيح ان سرعة وجودة الاتصال اهمها لكن الاشياء الثانية مهمه
مثل الدعم الفني ، الايقاف المؤقت للاشتراك، الخدمات الاخرى،توفر البطاقات في المحلات وخلال النت والبنوك وغيرها

اغلبهم جربتهموطبعا المقارنه التاليه يكون التقييم بالنسبة لبعضهم ولا بشكل عام السرعه عندنا بالسعوديه من جنبها

وسعودي نت
كسرعة وجودة اتصال من افضلهم اذا ماكانت افضلهم ودعم فني سيء جدا من حيث الوصول للدعم الفني لكن خبراتهم قوية، ايقاف الاشتراك وسط وخدمات اخرى مافيه وتوفرها زفت

نسما
سرعة وجوة جيدة دعم فني مش بطالوالشركة لديها اسوأ ادارة تسويقية من اربع سنوات وهم ماسكين مافيه اشتراك الا ست شهور اقل شي طبعا قليل اللي يجونهم
تعتبر افضل شركة تقدم خدمات اضافية مثل الترجمة والقواميس والالعاب وووو
ايقاف الاشتراك المؤقت يعتبرون الاسوأ على الاطلاق

اول نت
رخيصه ويصدق عليهم المثل اللي يقول "كل رخيص بخيس"
اسوأهم من حيث جودة الاتصال
دعم فني سريع
الافضل من حيث خدمة الايقاف المؤقت وان كان لا يزال سيء بس هي الافضل
ترجمة قوية


هذولي الاكثر استخداما ومافيني حيل اكتب عن كل الشركات


وطبعا يفرق التقييم حسب الاستخدام
كل اشخاص يختلف استخدامهم عن غيرهم
بعضهم بس تصفح ومسنجر
وبعضهم داونلود
وبعضهم كل شي

وسلامتكم