طبعي الوفا

[ابن قشعم]

اخواني الكرام هذه القصيدة الثانيه أتمنى ان تحوز على رضاكم



[poem=font="Arabic Transparent,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياشينها لا صرت تطرد ورى شي = لك مدةٍ وانته عشانه تعاني
تموت عطشانٍ لاجل يشرب المي = وتصوغ لاجله من جزيل المعاني
حتى غدى حبك لها قصة الحي = كلٍ تكلم فيه قاصي وداني
وتشيله عن الشمس في بارد الفي = لكن يطلع في النهايه أناني
أنا العليل اللي طواه الهوى طي = سبّة عشيرٍ راح عني ونساني
غروٍ كواني بالجفا واجود الكي = يالله دخيلك وانته المستعاني
عقبه انا مانيب ميّت ولا حي = مدري وش اللي في غرامه رماني
راحت ولاحصّلت منها ولا شي = غير النكد والهم والامتحاني
ليتك ترد القلب لي يابعد حي = ردّه ترى ماصاب قلبي كفاني
ماعاد بك رأفه ولا رحمةٍ بي = الله واكبر طبعك اليوم شاني
روّح عسى دربك تساهيل ياخيّ = بكره تجي ندمان يا مودماني
بكره تعوّد لي تسوق القدم لي = وتقول أنا عقبك تكدّر زماني
واقول لك ياماشيٍ سكة الغي = تركتني وسلكت لك درب ثاني
مامثلك أحدٍ بالقساوة ولا زي = والحظ جابك لي وربي بلاني
دامك مشيت الغي وطبعك غدى سيّ = (طبعي الوفا) يابنت والعمر فاني
[/poem]