اسعد الله اوقاتكم بكل حال ..... مصافحه
::

::

::::::::



الوايلي مجبول على شبـه الكـار
وسيـع الثنايـا مجلســــه ماتملـه

مشرع ٍ بابه على طـول الأعمـار
الضيف لا من جـاه حسبـت هلله

يشفق على شوفة رجاجيل ٍ خيـار
ليـا قبلــــــوا يمـه حجــاجـه يفلـه

يشب ضوه قبل بزغات الاسفـار
ويدق نجره يطرب اللي فطن لـه

في مجلسه تلقى مقاديم الاعطـار
وفي مجلسه تلقى علـوم الأخلـه

وفي مجلسه تلقى وافين الاشبـار
شيوخ الرجـال موثــــقيـن الادلـه

يمشي على درب الرجاجيل الاحرار
ويرقى بشمــــوخ النايفـات المطلـه

صـــدره وسيــع ٍمنبتٍ كـل الاقفـار
يسقيه من طيبـه .. ويثمـر مهلـه

ليا تكلــــم كلمتـه وقـــع الامطـــار
يـروي مسامعنـا .. بمزنـن يهلـه

في فزعته يحمى على صالي النار
يثـور بركانـه ... وسيفـه يسـلـه

ولاجا وقت الضيم للضيـم صبـار
مايشتكـي للخلـق فـي مستعلـه

يدعي الإله الواحد النافـع الضـار
يفرج عن الكربـه ويغفـــر مزلـه

في حِسبته للناس موقـع للأنظـار
وفي حِسبته للطيب نغمـة سجلـه

متميز شكله علـى كـل الاقطـار
مثل الجدي معروف ثابـت مطلـه

ويناشد عنّه ترى مافـي اسـرار
معروف والمعـروف كلـن يدلـه

ويامدور الجالس على شبه الكـار
اسأل عن الويـلان .. تلقـى محله







::

::


ولكم أرق التحايا وأعذبها