مدير الدفاع المدني

[ابو عبد الملك]

هذه القصيدة قالها الشاعر مشفي الجرواني شكراً لله عز وجل على شفاء ( احمد )
وعرفانا على ماقام به احمد بن فريج الحسني العنزي مدير الدفاع المدني برفحاء من جهود
جبارة لمساعدة والد المريض حيث كان والد المريض يعمل لدى ادارة الدفاع المدني .

بديت باللي تجهل الناس غيبــــــه
=====اللي كتب رزق العباد وعماره

هو الذي بيبان عفوه رحيبـــــــــــه
=====مرجع على يعقوب يوسف بشاره

نشكر ثنا سقم العباد وطبيبـــــــه
=====اللي رجع لاحمد على عش داره

مرّت علينا أيام حزنٍ كئيبــــــــــــــه
=====نلبس ليازرناه (فلتر ) زياره

واليم قدرة خالقه تعتنيبـــــــــــــــه
=====شفاه مولج ليلها مع نهاره

وخلاف هذا يالقلوب اللبيبــــــــــــه
=====تذكّرو يوم شديد الحراره

في ساعةٍ من شد هوله رهيبــــه
=====مواقفٍ مابين ربح وخساره

يالادمي دنياك تفلج طليبــــــــــــه
=====لذة حلاوتها تعوّد مراره

احداثها للي تفكّر عجيبـــــــــــــــــه
=====دمارها يفوق نسبة عماره

عشّاقها مابين نصر وغليبـــــــــــــه
=====تحزنك في تاره وتسعدك تاره

الرابح اللي طاع سنة حبيبــــــــــه
=====قدّام لاتفجا خصيمه بغاره

هذا وابا أمدح شوق ضافي ذويبه
=====لو قال محدود المعرفه قماره

أبا امدح الطيب على قد طيبـــــــه
=====مازيد في مدحه ولانقص وقاره

(حمد) تبيّن بالظروف العصيبــــــه
=====ماقدمو من قومٍ الا خياره

له موقفٍ ملموس كل دريبـــــــــه
=====موقف رجوله والمراجل تجاره

على خويك ماتحب الغليبــــــــــــه
=====تزها الادارة يامدير الاداره

يفداك منهو بالعمل حاش خيبــــه
=====باجازة اليومين يصدر قراره

هوّنت في موقفك هول المصيبه
=====وقفت مع (نافع ) بحزم وجداره

يالوايلي ماهي عليكم غريبـــــــه
=====لك لابةٍ ماتاخذ القوم جاره

يثنون ياصاح الصحيب لصحيبــــه
=====ياطار عن قب السبايا غباره

[/frame]