--------------------------------------------------------------------------------


لا يطول غيابك

لايطول غيابك ثم اخذ عليه
لوتخليت عنى عنك قلبى ماتخلى
العذر والتعلل والحكى مانبيه
من تحرك فؤاده بالهوى ماتخلى
طبعى الصبر لكن وش عليه ارتجيه
من طويل الصبر يعقوب وايوب ملا
دامنى حى عطنى وش بقى نحتريه
مابى دموعك اللى عقب موتى تهلا
مابقى بالعمر مقدار ماراح فيه
كل مازل يوم يوم بالعمر ولى
مايعرف الجمر مثل الذى يكتويه
احد يدفا بناره واحد فيه يتصلى
يامن القلب حطيته براحة يديه
مارضى له مكان غير كفك محلا
كم تعذر وعيا عن هوى محتويه
لين طاح بيمينك بالغرام وتجلى

خالد الفيصل