[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وقت العتب راح لا ترجـع تعاتبنـي =مات الامل والبقى في راس وجداني

ماني مثل ما أنت خابرني وتحسبني =فـلان الاول اصبـح واحـد ثانـي

خلاص مات الهوى لاتهدم ولاتبنـي =تركتني لين جاء النسيـان ونادانـي

العـام ادور سبـب منـك يقربنـي =واليوم ادور سبب عشـان تنساني

بعثرتني في هـواك اليـوم رتبنـي =نسيتني الناس شفني صرت وحداني

كان السهر في هواك اللي محببنـي =والحين حتى السهر يكبر على اجفاني

اجيـك يمحينـي عتابـي ويكتبنـي =مافيه طاري عتـب يمـر ماجانـي

وارجع واقول وش للجـرح جايبنـي =ادري بجرحك ولا ادري وش ودانـي

عن صدق الاحلام جاء الواقع وكذبني =وعن فرح الايام جاء حبك وبكانـي

مليت اشيل الامـل والدمـع يغلبنـي =واقول بكره يجي للشـوق ويلقانـي

ويروح بكره واجي والوقت غالبنـي =وارجـع علـى وحدتـي واحزانـي

بكيتـك العمـر كـلـه يامعذبـنـي =وش فيك ماتبكي اليوم على شانـي

كتبت ماهو عشان تقـول عاجبنـي =مليت من جزله وصـح الله لسانـي

انا وطن شعر لو شعـري مغربنـي =كتبت اجمل جروحي لجـل تقرانـي

خلاص لا تعتـب وترجـع تعاتبنـي =انا نسيتك دخيل جروحك انساني [/poem]