مـوت العزيـز ولا حيـاة المـذلـّه

[kermalk]

كل أبلج(ن) يونـس براسـه سعاطيـر مـوت العزيـز ولا حيـاة المـذلـّه













[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياغبيش ابن خليل سلّم علـى عميـر = بلّـغ سلامـي لبـن عمّـي وقـلـّه
المعـذرة لـو ماتفـيـد المعـاذيـر = عن موقفاً أكبـر مـن العـذر كلّـه
ميـر الظـروف الطاريـه يامناعيـر = ماهـي علـي كيـف المخالـيـق لله
حرّكت من الافلاج حزت عشي اعصير = عقب العصر يوم الشجر مـال ظلـه
وقبل العشا متعديـاً حوطـه سديـر = ورن جوالـي وبسـرعـه واشـلـّه
(ألو نعـم سـلام مسّيـت بالخيـر ) = ( وليّاه صوتـاً جعلنـي فـدوت(ن) لـه)
قالت وهي فيها مـن الحـزن تاثيـر= خالـك منـوّم فـي محـلاً ممـلّـه
ولا انتبهت ألا وأنا عاكس السّيـر = كني عمـى وألا العقـل فيـه خلـّه
هذا يعذّرني مـن اغبيـش واعميـر = اثـبـّتـه ووثـّقــه بـالأدلـّـه
سـلام ياراعـي النيـاق المغاتـيـر = اللي عشق لـه مركـزا و استحلـّه
كانه على الجبهـه يقـود الطوابيـر = فـي نحـور حكـام وقومـاً مهـلّـه
وحنـا إذا هبّـت عجـاج ومعاصيـر = نجـي مـن أقصانا برمـح(ن) وسلّـه
كل أبلج(ن) يونـس براسـه سعاطيـر = مـوت العزيـز ولا حيـاة المـذلـّه
مثل السحاب اللـي قنوفـه مزابيـر = أمّـا نعـقـد الحـبـل وألا نحـلـّه
انورّد الضامـي علـي جمّـة البيـر = ونخلـي سـروج معـاوزات الأظلـّه
(ميقافنا واحد علي الشر والخير ) = (يطلق علينـا دولـة(ن) مستقلـه)
دوله مضيـم مسطّريـن الأساطير = فـي معظـم التاريـخ دقـّه وجلـّه
مركاضنا يشبع بـه الذيـب والطيـر = وينصر بنا مـن حطنـا محزمـاً لـه
وليـا بطشنـا بالسيـوف البواتيـر = نبطش ولا نبطش علـي غيـر ملـّه[/poem]
سلطان بن وسّام الهاجري