قصيدة حمود العبيد الرشيد بعد انتهاء معركة الصريف المجيدة:
عزاه ياقلـب مـن العـام ملهـود
..........ولا جت علوم الغزو ينساح باله
وإلى ابطوا الطرشان تلقاه منكـود
..........مثل الغليث اللي يحسب لياله
والله لولا حبكـم يافتـى الجـود
........لا حج بيت الله واصلي قبالـه
يالله يالـي للمخاليـق معـبـود
........يالواحد اللي كل حي يسالـه
تجعل سهمنا يمت الضـد مقيـود
.........بسلامت اللي وافيات خصاله
عبدالعزيز اللي على الحرب والكود
........يصبر كما تصبر عرايب اجماله
من العام غزاي على خير وسعـود
..........ماديـرة الا بنايـة ضـلالـه
الله يعين الخيـل ويقـوي القـود
.........عليه لاسنـه تعلـى رحالـه
واللي فتق فتق وهو كان مسـدود
.......مثل الجمل يقطع بزوره شماله
وان مامضى شي ترا الحكي مردود
........وانشد بريدة وانشد اللي حواله
واللي تمنى الحرب ماهو بمـردود
........من حربنا ماحصل الى الرزاله
ترا حربنا مثل البحـر مابـه زود
........الغبه الي موجها فوق جالـه
داخلـه مفقـود وطالعـة مولـود
.........مهبلك يالي خابـره وتعنالـه
وشعندنا يالربع لدعيـج وحمـود
.........وعريب دار يوم تطرد شغاله
يقول مالي يوم اجي نجد مقصـود
.......الا الامير احوله مـن اجبالـه
وابوه مكبر فزتـه يافتـى الجـود
........وابوه لهو حالمه كيـف قالـه
هو مادرى ان جبالنا الحمر والسود
.........عين على الطلاب ف يكل حاله
وابوه مانا خابـره يطلـب العـود
........ولا عندنا له قالتن به مقالـه
غره سلاحة خمسـة الاف بـارود
........ومطير وسبيع ويامٍ صيالـه
مثل الحبوش اللي يسوقون محمود
.......واهلكهم الباري بعـزة جلالـه
نقلهم الله يوم جو حول ابوالـدود
......من دمهم هكى الطعاميس ساله
حاموا عليهـم بالبواريـد وفـرود
.......ومبارك نجـاه ربـه لحالـه
ماله شبيه كـود فرعونـا العـود
.....اللي نجى والقوم غرقت قباله




راق لي