إن كان عيبي خوتي للماطليق

[شامي الدهيمان]

[ [poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
يابنت أنا لاغبت ماهو من الضيق

....خلّي علوم أهل الهروج الكذوبـه

في لازمي والله ولّـي المخاليـق

...والرجل ملـزومٍ يكمـل دروبـه

العمر فرصه والليالي توافيـق

.....والوقت يجري والسنين محسوبه

رجلٍ يبي يرقى لروس الشواهيق

....ما قال عن درب المكاسيب توبـه

يثبت ويرسي مثل مايثبت أطويـق

.....ويعلّي البنيـان طوبـه وطوبـه

تري قلوب الناس مثل الصناديـق

....مفتاحها هرج اللسان إن حكوبه

لو باحت أصدور الرجال المغاليق

...أسرارها صارت عليهم عقوبـه

كم واحدٍ يصبرعلي نشفت الريق

....مـن شيمتـه رفاقتـه مادروبـه

يدري خماله عن هروج المطافيق

....والأدمـي مايستـره غيـر ثوبـه

والشعر يابنت النشامـا مواثيـق

.....سمعه وقيمـه وأبتكـار وعذوبـه

وأنا قصيدي مادخل بـه تلافيـق

....أنقاه عن درب الخطـا والمعوبـه

لو أنّي أبحث عن قصيد العشاشيق

...حطيت لي في كـل دار محبوبـه

لكني أبحث عن جزال الطواريـق

...أم المعانـي حبكهـا بالصعوبـه

شومي قصيد مدوريـن الغرانيـق

...وأخذي قصيد اللي ربوعه هقوبـه

كلمة ولاتحتاج شـرحٍ وتعليـق

...والعلم ما ينعاد عشريـن نوبـه

إن كان عيبي خوتـي للمطاليـق

...تراى رجلٍ يفتخـر فـي عيوبـه [/poem]