فيه سر يخصكم جميعا ..طز ماني خايف وابي اقوله والي خايف مع الف سلامه

[برق السحاب]

الموضوع
فيه سر يخصكم جميعا ....طز ماني خايف وابي اقوله والي خايف مع الف سلامه

انا متاكد انكم جميعا راح تدخلون تبون تعرفون وش هذا السر وكل واحد جاي يعد طبلونه

تعدون طبلوناتكم .............ايه اكيد معكم حق ......حتى انا مثلكم ماراح اتاخر دقيقه ابي مايسبقني احد منكم

ليه فيها اسرار ........................والناس ياحبها للسرار .......الليل ابو الاسرا ر............وغيره كثير

اقول لوسمحت تعال ......نعم........... قرب ياخوي .........هاه هاه هاه ........خفظ صوتك شوي .....هاه


هاه........خفظ صوتك شوي .......هاه .......عطني اذنك ......لاياشخ ..........لاتفهمي غلط ......يعني

قرب اذنك عند افمي .......ترك عليتني عاد طاوعتك واثرك ماتنعطى وجه .........اوه ه ه ه ه ه ...

اسمعني عندي لك سر بقوله لك حولنا احد .......لا ......تلفت شف منا ولا منا ......مافيه احد ياخوي

خلصنا عاد ........و.شفيك انت معصب تدري خلاص بطلت اقولك اقوله سر يقول خلصنا عاد......

هه ........امزح معك .......وش العلم .......بس لايدري احد .........افااااااااااااااااااا......انا ابو الاسرار

تصدق اسرار بناء الاهرامات قاله لي واحد سر وماقلته لحد الى الان ............الي العلماء الغربيين

لحد الان ماعرفوها عندك يابو الاسرار .......نعم نعم ليه مكذ بني ...هاااه...لامحشوم من الكذب

ايه ماقلت لي وش كنت تبي تقولي قبل شوي .....ايه .....سر ......نعم ....الان عرفت معنى كلمت سر ...

هات خلصنا من الاخر .......يعني تقول كلام لشخص ماتثق فيه شريطة انه مايظهره لشخص اخر

وبصوت منخفض حتى لو انك والشخص الاخر في مكان امن ولااحد قريب منكم .......اهه

وقاعد من اليوم تسحبي يمين وشمال وهذي اخرتها ................... ايه يقولون الحياة اسرار

يعني لازم م م م م م م م تكون بين ثنين .......فقط ..........غير كذا ماهو سر ...فهمت !

المهم من شان ماتطفشون وتسبون تقولون هذا طفشنا يالله وبسم الله ندخل في الموضوع

انا مثلكم كل يوم وانا داخل للمنتدى السياسي وجالس اقرا وفكرت كثير جا على بالي

سؤال ليش ندخل المنتدى السياسي؟..........لاو مرابطين ليل نهار حتى وحنا بالعمل

اذا جت الفرصه مانفوتها بعد ولما نعود للبيت هم كذلك يالله الواحد ياكل له لقمه واذا الجهاز شغال

وعشر سطوريقراها و لقمه عيش وانا اقرااسال نفسي اعرف سر اختيارنا للمنتدى السياسي

هل حنا عايشين في فللك السياسه صح والا نقلد رجال السياسه والاكنا محرومين منها اول وفتحت علينا ابواب السما ءوامطرتنا وسائل الاتصالات الاعلا اميه في

العالم الي تنقل لنا السياسه من صحافه وتلفاز وقنوات اخباريه متخصصه ومنتديان واذاعات وال....اخ ..

ومع العلم اننا ياخوان مانسمع الي يقال في الغرف المغلقه ......الابعد ما يطلعون من الاجتماعات

صرح مصدر مسؤل كلام مصفوف تتصدره اعمدة الصحف والاذاعات والفضائيات تتناقله والاذاعات تبثه

وينقل حيا على الهواء بواسطة القنوات الفضائيه وبعده ....................هات يامحليلين وياكتاب اعمدة

الصحف ................ومصافق في الفضائيات بين ثنين تلقاه قابسه حتى في البيوت منهم الى اخرالحوار

ياجماعه اسف على المقاطعه .............فيه لي دعوه ........ايوه ايوه ايوه .......نعم ......شتتوا افكاري

انا كنت في موضوع مندمج مع الجماعه .............اووه غاز .............طيب وش تبون اسوي لكم يييا الله

هذا هو وقته غاز يخلص ..................طيب شوفوا عمكم .........ماجى من العمل لحد الان ....والله...تطلعون

طلعات تلوع الكبد ..............ماحبها لكن مافيه غيري الشكوى للله ...............نزلوا الغاز طيب للسياره ولما

تخلصوا كلموني .........جاهزفي الشارع ..................اه مسرعكم بسرعة البرق ولو طلبت شاي قعدتوا ساعه يالله

مرحبا رفيق ......هلا بابا ..............اسفيه ...........غاز يعني اسفيه ........صغير ولاكبير بابا ...

اوه اوه هاج من البيت تطلع انت يارفيق....يالله بسرعه بدل صغير ..............اااافففه ......يالله خذ فلوسك ...

احم احم ياسوما سوما صقه يصك اذانك يالله الغاز عند الباب ........بابا ثقيل ........اوه اوه ......يالله شيلي معي مافيه فكه


اه اه ياظهري غاز ودور ثاني ماشافو ا حل للمشكله هذي مايحطون خطوط ويريحونا يالله ......يمكن في

المستقبل يالله ........يالله شوفوا عاد ابي براد شاي منعنع وقهوه وحلا بعد هالمكده ببببسسسرعه تفهمون

ابي اتمخمخ على مواضيع اليوم اكيد شابه الامور بعدي يالله ولاتواخذوني ترى الغاز ماله دخل في السياسه

تعرفون انه يستعمل للطبخ يالله بالقى المواضيع تدطبخ الان وفي الصفحه السياسيه وهذي جلسه

هاه وانا ابوك وش عندك واقف وراي وش تقرا ....يالله........اوه ه ه.. وطي صوتك ياولدي اقرا بعيونك بس

مثلي........................ااوه ه الغاز وجبناه وشلناه وانت بعد وشتبغي ..........رافع صوتك تقرا .....يبه و شفيك انت تعصب ؟ كيف!

دايم اذا حد كلمك تقول اسكت اسكت .......ياولدي انا اقرا ومنسجم .. ..اكيد.في السياسه .......ههه كيف عرفت وانا بوك ؟

كل ماجي وانت تقرا او تكتب واقرا في الصفحه الي فوق مكتوب المنتدى السياسي .......يايبه وش معناه
!
هاه
يولدي احمم احم شقلت .....السياسه ......يعني لما تجي تاخذ شي من اخوك وعلشان مايزعل و لا يصيح

لازم تسا يسه ..............يبه يعني تتحايل عليه من شان يعطيك الي معه ولو مهو راضي وقنعان بس بدون صياح ......ايوه عفيه عليك

يبه ...................وهذي السياسه الي انت مضيع وقتك وفلوسك عليها ودايم معصب علينا ولاتودينا ولاتجيبنا

ومنت فاضي طول اليوم ..........نبي السوق ماني فاضي ......طيب المستشفى ..............يييييييييييوووووووووه
مشغول ياولدي ......نبي نروح عند عمي ...........روحوا انا تعبان .....يايبه....حتى عمي يقول اشفيه ابوك مايجينا !

واذا جانا نزلكم وراح وقال خلو عمكم يجيبكم لايكون زعلان ولا احد مزعله وانا مدري اقول بس مشغول ابوي دايم اتعذر عنك.............اه اه اه

معك حق وانا ابوك لكن بقولك شي وانا ابوك يمكن يكون له سبب ما انا فيه الان ويمكن مثلي كثير مع اختلاف الاسباب
ايه قول يبه انا ابي اعرف ........ابشر راح اسولف عليك سوالف ماضيه له 35سنه مرة لما كنا صغار

في البلد الي حنا فيها كانت الحياة صعبه ياولدي الناس توه احوالهم ضعيفه جدك الله يذكره بالخير كان لما مات

ابوه وهو صغير وهذا قبل 60سنه خذوه قرايبه من امه خوف عليه وشغلوه بالمزرعه ورعي الغنم ولاكان فيه

مدارس مثل اليوم ولاغيره فتربى على الجهل الي كان سائد .......طيب ليه ماسافر ..............ياولدي صبر شوي

السفر كان اعزكم الله علىدواب حمار ولابغله ولاجمل ........مافيه سيارات ........ياولد ي مافيه شي مثل الي

تشوفه اليوم اعزكم الله الي عنده حمارذاك الوقت وانا بوك كانه صاف رزرايز زمانه .........اهههه اههه صحيح يبه ..نعم مهو مثل اليوم

خيرات ونعم الان لله الحمد والمنه لاتعد ولاتحصى تبي الحمد والشكروبالماضي كانت الحياة صعبه الواحد يالله يلقى الي يسد جوعه وجبه بسيطه

حبتين تمريعلك فيها طول اربع وعشرين ساعه انت سمعتني .....ايه يبه طيب وبعدين ......وبعدين

لماكبر وصار عمره حوالي عشرين سنه هرب منهم لان لا عنده لااب ولاام الا رحمة الله

عندهم السوط هو كل شي بعدهاهرب ............. طيب وين راح جدي .......جدك راح يدور عمل أي عمل بس ياكل لقمه بالحلال

ودارت فيه الايام وكبر وتزوج لكنه ماتعلم

والوقت الي جينا فيه كان بدايات التعليم لكن جدك يحاول يعوض مافاته في حياته ودخلنا المدارس وكان

الناس وقتها يالله الواحد يدبر لقمته ولقمت عياله ويدوربرد القاع وكان الراد يو نادرجدا وكان التلفزيون معدوم الى وقت قريب

والصحف والمكتبات معدومه

و كلمة سياسه كلمه لها مفهوم واحد فقط في ذلك الوقت سياسه بمعناها السياسي فقط في تللك الايام محكورة في اناس معينين لهم حق الخوض فيها ومايصح لهم لايصح لغيرهم



لذا كان والدي غفر الله له واطال عمره لديه سياسة العصى في كل شي الصلاة عصى المدرسه عصى المناقشه عصى

طيب يحق لي اسال وانتم اسلوا انفسكم يمكن نجاوب على الاسئله الي نسالها ليش نخوض في السياسه ونعرف السر

هل ولدت داخلنا خوفا لانستطيع اظهاره امام الناس والتحدث به جهرا كي لانقع في خطا او نتصادم مع تيار لديه حجة قويه واصبحنا لانستطيع قول مالدنيا الا عن طريق هذه الاجهزه الصامته ونجهربه دون خوف وتردد ؟
هل السياسه فيها عنف وقوه ام هي مكر ودهاء ؟

هل نحن نعوض ماكان محرما علينا في الصغر و بمجرد التفكير فيه واصبحنا اليوم متعطشين للسياسه في كل شي ونحاول ان نفرغ مالدينا من شحنات مكبوته في مامضى من الايام ؟
هل السياسه حقيقتا االتلاعب في ال الفاض وتسخيرها لتبديل صورة الشي من القبيح الى الجميل والعكس ؟

هل سالت نفسك يوما ماهي الفائده التي كسبتها من هذه المنتديات السياسيه مقابل ماتمضيه من وقت ثمين في القرائه والكتابه والردود ؟

الاننستطيع قول مالم نستطع قوله في الماضي وخاصه السياسه وعلى روس الاشهاد دون خوف من احد ولا رهبه الا اسلوب العنف فهو مرفوض ولاجدال فيه ولارحمه لمن يفعله ويناصره كان من كان



اخوكم
برق الضحى