صغيرتي
صغيرتي.. يسعد صباح الفساتين
يسعد شقاوة نظرتك.. يافتوني


غنّى فضل شاكر مع احساس شيرين
كأن انا قايل لهم يعزفوني


كل عام وانتي حب ياشيخة التين
كل عام.. وانتي مسكنك في عيوني


ياللي بكى بفراقك..(العام عشرين)
رقص فرح(عشرين عام)بشجوني


قام يتنامى لك وطن داخلي لين:
استعمر اركاني ودمّر حصوني


واخذت لك حفنة مشاعر من سنين
بنيت منها سنين في وسط كوني


صغيرتي.. يااحلى ملاك ٍ من الطين
هالطين قطعه من رضا صدقوني


ايه اكبري بي لييييين مدري على وين
تاخذني الدنيا معاك..وظنوني


يسعد صبا العشرين..فعيون غالين
كل عام وانتي مثمره ياغصوني