[font="lucida sans unicode"]




نطيت رجم(ن)هبوبه كيـف
مزمـوم ملمـوم وهلالـي
ماله لوى في سماه شنيـف
والسيل ِيْدِوي ْوِيْكتالي
والقاف ماهو طرف بطريف
للسابق اللـي علـى بالـي
فرايد(ن) ماحواها صطيـف
من تٍرْكَـةْ التِّـرث طَوَّالـي
عمـار يازقطـة الحريـف
ياطشهـا "لالـك ولالــي"
والفرق يامن بدا التعريـف
في موقع(ن) صعب للخالـي
وعظيم ساري وشوح الهيف
شايـب مداويـره اطفالـي
واليـل قمـراه بالتوصيـف
يلقـط خرزهـا بالامثالـي
والجيل ذكراه فلم (ستيـف)
يامـا حكوبـه للاجيـالـي
يوم الفقر بالعرب ماشيـف
غب المنيحه عـن اللالـي
والحال وحده صفاها ريـف
.وقصارهـم كنهـا طوالـي
وطريف لو حده التصنيـف
.واثق بحكـام(ن) جلالـي
يِحْسَبْ بْخَمْسِيَّة التوظيـف
والخيـر بالناتـج التـالـي
والمركب ليابـدا التجديـف
يامالـه بطـرق مـوالـي
هيجن بلـد للوفـا تعريـف
شـلال مـن نبـع شلالـي
قبايـل وحاظـره ومريـف
.ومقيمهـم صـار مدهالـي
ا لضيف بطريف ماهو ضيف
ضيفه لـه المنـزل العالـي
واليوم مذهب هل التكييـف
عينت لي واحـد(ن) سالـي
تنهـدت واقتفاهـا الحيـف
للجيـل وفعولـه اهـوالـي
جيل(ن) حياته بلا تهديـف
مـا همَّهـم ناتـج التالـي
شجاعتـه كلهـا تزيـيـف
خنجـر وسكيـن يشتالـي
يذبح على ماش والتكليـف
خسارتـه يـوم الاهوالـي
الله يكفـي هبـوب طريـف
من شرهم (للخلا الخالـي)

الشاعر / خالد جازم[/font]