..


..



مصافحه اولى ارجو ان تجد متسع جميل بين ارواحكم


بعض من بوحي ...


..


..





[poem=font="simplified arabic,4,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]


سكب لي اروع إحساسه وعطاني مقبض الدله = وأنا أقهويه من كيفي مزاج (ن) يطرب أوزانه



مادام الدرب من يمه غلا وإحساس ما أمله = ما ألوم النفس يوم إنه تقهوى ضحك حجانه



عليه إحساس يملكني وكل إحساس صاف له = أحبه .. وأزعله .. وأرضيه ..وأعليّ بالهوى شانه



أجي له بالرضا كلي ويجي لي بالرضا كلـه = ونصد من الزعل ساعة ونرد أرواح شفقانه



أورّده النهر عطشان وأرده ريق ما بلــه = وإلى منه صرخ (( يا الغنــــد)) أجيه عروق عطشانه



أعصب به وإلى منه نوى في حضرتي الزله = ملكته بالعيون اللي .. تصفي شاشة ألوانه



ينرفزني ومن غيضي أحط بجوفه الملـّـــه = وإلى منه شكى حـــــرّه أضم النار لعيانــه



يناجيني ( تحبيني ) وأقول له : لا حشى لـلـه = يعاتبني الغلا وينــه ... وأرد بجهل عنوانه



وإلى منه غسل إيده أقول : فلاااااااان بي عله = علام الروح لعيونك ببحر الحب غرقانــه



أقدر .. وأعترف .. باللي من الأشواق حاصل له = ولا ني جاهلة بحساس سكن أعماق وجدانه



ولو يلمس معاليق الضماير كان صاحن له = ذبحنب حبكم يافلان الا لا رحم جدانه



ولكني ابا اتغلى .. تغلي بالهوى ملــــــــه = وأكيد بحب لعيونه وأنا بالكيـــــد فنانــه [/poem]




..



..



دمتم بحب


بوحــ ...


الغنـــــــــــــــــــــد