بسم الله..

قصيده فكاهيه لشاعر شراري ركب الطيارة اول مرة
وآخرة مرة وقال هالابيات الفكاهيه..



[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وادعت ناجع مـن مطـار القريات=يـوم أركبونـا الطايـرة واشلعتنـا

لفت ودارت وامرجت بين لحظـات=لولا الكراسـي والمحـازم رمتنـا

طاروبنا حمـر العلابـي خواجـات=زغـر العيـون اوجيهـم هولتـنـا

تكفى تشهـد يافهـد واقـر الايـات=الموت جانـا والظـروف أجبرتنـا

جانا المضيف قال تبغـى خدامـات=قلـت نزلونـا إبطونـنا موجعتـنـا

من قبل أشوف الغيم دون السماوات=واليوم اشوفـه يافهـد مـن تحتنـا

عز الله إنـي ماحسبـت الحسابـات=والا تـرى سيـارتـي موصلتـنـا

يازين ممشى الأرض لو هي مسافات=إنـا بشعيـب مجهزيـن إقهوتـنـا

وش جابنـي للطايـرة والمطـارات=والله ماعـود إركوبهـا ان نزلتـنـا

لو تنفجر قامـت تذيـع المحطـات=رح عاد دور قشنا مع اجثثنا[/poem]


0
0
0

وسلامتكم