[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
( لحظة الم )




لحظة الم خلتنـي انسـى المجاريـح
واقول ما عانـى مـن الحـب مثلـي

كل الذي عانـوه قفـت بـه الريـح
وانا الذي مـن بدهـم ينشفـق لـي

انا الذي لـي دمـع يحتـاج تمسيـح
وانا الوحيد اللـي زمانـي عرجلـي

وقفت شفت الحـال يحتـاج تصحيـح
ما خلقـت الدنيـا ولا الحـب لجلـي

كم عاشـق (ن) مافارقتـه التباريـح
وكم طارق (ن) من لوعة الحب وجلي

لحظة الم من حرها جيت ابـا اصيـح
خفت يتسلى بي من النـاس عجلـي

ويقول صـاح ويفرحـون المشافيـح
وتربح تجارتهـم لـو البيـع دجلـي

ناس (ن) عسا ما بينهم حي (ن) يطيح
تكثر سكاكيـن القشـر مـا تخجلـي

لكـن تصبـرت وعبـرت السواميـح
ورجيت منهـو لكبـر الهـم يجلـي

يجلي همومي والحشا عقبـه يريـح
ويعود لي وقت (ن) زمانه غنج لـي[/poem]