وقال هذه القصيده لصاحب السمو الملكي الامير عبدالعزيز بن فهد أل سعــــــــود


يقال ان العصيمي وهو في رديه بينه وبين شاعر تعمد سب الملك فهد بن عبدالعزيز رحمه الله وطيب ثراه

والعصيمي شاعر معروف ولا يخرج منه هذا الغلط ابدا






سلام منـي عـد مايطلـع النـور

واعداد ماتمطر من الغيـث غيمـه

سلام من شاعر محنـك ودكتـور

دكتور في بدع اللحـن والوسيمـه

بابور فكري يطرب امواج وبحور

ويزفنـي بيـن البحـور الطيمـه

يابن فهد يامحكم الـراي والشـور

حكيم من روس الرجـال الحكيمـه

عبد العزيز بطيب الفعـل مذكـور

الكل يدعى لـه عسـى الله يديمـه

عد الروى يصلونه ورود وصدور

يروي الكبود الضاميـات المحيمـه

له مع رجال المعرفه والكـرم دور

الاصل طيب والمواقـف عظيمـه

يامير لك في مهجتي قصر معمور

من دونكم ماشـوف للعمـر قيمـه

واخلاصنا من ماضي الوقت مخبور

مخبور من ماضي العصور القديمه

يامير انا من فعل الانـذال مقهـور

تحريفهـم للقـول احسـه جريمـه

سمعت بين الاجهزه علـم منكـور

مايفعله مـن فيـه غيـره وشيمـه

محرفين الصدق بالكـذب والـزور

اهـل الحكايـا والحقـد والنميمـه

يقلون شوفوا واسمعوا قول مستـور

وهي على مـن الظلايـم ظليمـه

احلف وانا ماني على الحلف مجبور

اني لكـم مخلـص بنيـه سليمـه

ياعل من خلفك فـي جنـه الحـور

في جنه الفـردوس ينعـم نعيمـه