مرثية تركي متعب الهباس

[رعد الشمال]

[align=center]طبعا القصيده ارسلها لي الشاعر وهي
مرثيه في المرحوم /تركي متعب الهباس
الذي توفي في حادث بالقرب من هجرة الطواله
وهو قادما من الرياض الى روضة بن هباس (رحمه الله )[/align]

[poem=font="Simplified Arabic,6,white,normal,normal" bkcolor="black" bkimage="backgrounds/10.gif" border="double,10,red" type=0 line=0 align=center use=ex num="0,black"]
صبح الربوع أرسلي مهيد مرسال = قال القدر حكمه مـن الصعب رده
تركي خذاه اللي للأرواح شيال = لاشــك راح وروحتـه دون رده
يامهــيد ليتك ماتعجلت برسال = موت الذي زايــد على الناس وده
مامات تركي يابن الاجواد مازال = حي على الدنيـا عسى الله يمده
مثل الغزال يسابق الريح وظلا ل = من الجهاز مكـــــلمه قبل مده
قلت اليقين يخلي الشك ينزال = أنهج لبيت الي على العز شده
بيت الامير معرب الجد والخال = سعد المنادي يوم نادى لسعده
متعب عقيد القوم زيزوم الابطال = سيف على ارقاب المعادين هده
متعب نعرفه لكن اعطيك الامثال = أبوه طيب والبلا طيب جده
جيت المكان وقلت يارب الانفال = سترك وعطفك لايرى القلب شده
شفت المعزي يدخل البيت بأعجال = القلب صابه عقب الامال رده
قمت اتوجد وجد مربوط الاسلال = عين على قيده وعين مصده
ياوجد حالي وجدمحروم الاطفال = يوم انسكب دمعه على اطراف خده
يبي غلام هامته هامت الجال = صدوف المآسي يوقفه عند حده
وياوجد حالي وجد منذاق الاهوال = اعز من يرجي من الناس ضده
يامل قلب يرتجف رجف زلزال = مقياس رختر ماقوى يقيس حده
يامل قلب كازرق الموج لامال = موج زراقه لاصطفق باح سده
سبت وفاة اللي للاجواد مدهال = يمشي على درب مشـــــى فيه جده
عمره صغير وبالفعل فعل رجال = حــــــــر ينومس صاحبه حين هده
وقمت اتشكى للمعاميل ودلال = دلال من البن اليمـــــــــــاني معده
يادلتي لوصد خشمك عن الفنجال = لاشك محد يلــــــــومك على الصـده
صغيرك لا ماينــــــــــطرب له بال = الا ليـــــــامن زين الافعــــــال مده
يالله ياعاــلي على كــــل منعال = ياواحد يعـــــلم بالاســــــرار وحده
يامبدل احوال البشر حال من حال = يامعطي من جزر الابحـــــــار مده
اجعل لتركي من محبتك مدخال = جنــات عدن للمصـــــــــــلين عده
اغفر ذنوبه وارزقه خير الاعمـال = يارب سهـــــــــــــل خطوته لاتشده[/poem]


الشاعر:// عبدالله صالح الهباس