نبي نكتسي للعيد حزن وندم ودموع

[نزيه]

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نبي نكتسي للعيد حزن وندم ودموع=قبل تكتسينا من سواد الدهر ذله
يهل الشهر ورى الشهر تابع ومتبوع=تركنا العيون لحزنها تنعم بظله
نداري غثانا كل ماصوت الموجوع=نرده عن حدود الرجاء قبل يوصله
نسينا على جال الظما صوتنا مفجوع=عسى الله يثبتنا على الحق والمله
مدام الامل بالقدس يا صبحنا مقطوع=عسى ما طوانا الياس بعراقنا كله
عسى ما ضوينا ليلنا للوداع شموع=بعد ما سمعنا ديرة العز محتله
رضينا نودع عزنا الضايع المنزوع=تركنا الصدور بحرقة الدم مبتله
وشمنا فتوحات الصحابه بوشم خضوع=قلبنا طريق امجادهم للسهر فله
نفضل نعيش بمجدنا الزايف المصنوع=من اول جنون الهيل للبن للدله
على اول طريقك يالمراقص غزينا جموع=تشوف السيوف بساحة البست منسله
هزمنا الظلام بصوتنا العالي المسموع=على انغام طق الكاس مع دبكة الشله
انا اسف.شطحت ولازم اغير الموضوع=على قولة اهل العرف ليه اشري العله
جبان.اعترف. للبهذله ما معاي ضلوع=واظن القصيده هذي لخالد المله[/poem]




ملا حظه=الهيل والدله تراث وعادات وتقاليد كلنا نفتخر بها
القصيده تتكلم عن المجد الا سلامي وليس فيها اي اساءه للهيل والدله