قصاص مؤجل لمغتصبي طفلة الحادية عشرة (( عكاظ ))

[الدب الداشر]

سلك مجروح أهلاً وسهلاً وحياك الله ..


أحسنت فهيد ماهو غبي عشان يذكر إسم المحل .. لكن هل يعني أن فهيد غبي

عندما قال

فهيد لزام (رفحاء)
تتناقل مجالس رفحاء ورسائل هواتفها المحمولة باهتمام كبير تنفيذ حكم القصاص الذي صدر مؤخراً بحق ثلاثة مقيمين من الجنسية اليمنية اعترفوا باغتصابهم لطفلة لا يتجاوز عمرها 13 ربيعا اثناء عملهم في احد محلات الملابس النسائية برفحاء غير ان الجماهير الغفيرة التي تداعت عصر امس الأول الاثنين الى ساحة جامع الامير الوليد بن طلال بحي المحمدية برفحاء لرؤية الجناة الامر الذي استدعى تدخل الدوريات الامنية والتي انتشرت حول الموقع تحسباً للطوارئ حيث استمر التجمهر حتى غروب الشمس.
وحسب ما يتردد فان القصاص بحق هؤلاء الجناة تم تأجيله لبعد غد الجمعة.



؟؟
في مكتب المسؤول ..

:



المسؤول : هلا فهيد

فهيد : هلا طال عمرك

المسؤول : وش هالخبر اللي ناشره يا فهيد

فهيد : هذا طال عمرك خبر يقولون ان قصاص رفحاء يبي يصير بعدين ناس جو ..

المسؤول : أقول وش هالخبر اللي ناشره يا فهيد ..

فهيد : ........


المسؤول : طيب يا فهيد مصادرك وشي ..

فهيد : طال عمرك واحد من عيال حارتنا .. يعرف واحد يشتغل بالمجمع .. وهو اللي قال له

المسؤول : فهيد ..

فهيد : سم طال عمرك

المسؤول : الظاهر نبي ان فيه قصاص يبي يصير بس حنا نبي نقصك ..

فهيد : .........

المسؤول : وين الكاميرا حقت الجريدة ؟؟


فهيد : طال عمرك اخذها خويي يبي يطلع للبر هو وأخوياه ..



بعد فترة تأمل وسكوت يسود المكان . .

المسؤول (( ويضحك في داخله )) : خلاص فهيد هذي تذكرة نقل جماعي مجانية عشان ترجع لرفحاء ..



يخرج فهيد ويدخل الدب الداشر مميل عقاله شوي ويظهر عليه أثر السفر بكرنك من رفحاء للحفر ومشوار من الحفر للرياض ..


الدب الداشر: السلااااااااام عليكم ..

المسؤول : تفضل ..

الدب الداشر: وش أخبارك طال عمرك عساك بخير بشرنا عن الأهل كلهم والحمولة عساهم بخير ..

المسؤول : ؟؟


الدب الداشر: يا حجي مسؤول أنتم مدري واللي مزعلكم .. ترى السالفة مهي محتاجة .. يعني فهيد الحين مهو مقصر أخبار وفزعه لكم خوش ولد بس انه هالمره أخطى وخير الخطائين التوابون وبعدين والله لو انه ذابح احد ما صار هالكلام رفحاء كلها تسولف وانتم بعد جايين تزيدون الطين بلّه

المسؤول : ليش أهل رفحاء وش يقولون ..

الدب الداشر: هع هع هع يا طويل العمر السوالف بكل مجلس .. يقولون مااشااء الله فهيد خوش مراسل .. وما يقصر كل خبر والا هو ناشره على طول قبل لا يوصل الدفاع المدني تلقى فهيد موجود .. ومعطيكم كل وقته .. وجهده .. وينقل كل شي لدرجة انه نقل لكم حتى السوالف اللي بالشارع .. مااشاء الله عليه ..

المسؤول : طيب يالدب انت ووجهك اللي كنه همبرغر

الدب الداشر: يضحك ضحكه مدويه .. مختلط فيها الخوف و دبلة التسبد والمجاملة ..

يسحب الدب الداشر الكرسي الدوار حق الضيوف ويجلس عند المسؤول ..

المسؤول (( بإستغراب ودهشه من قطة الوجه )) : يادب يا داشر فعلاً انك غريب .. انت هالحين تقول أن الرجال نقل كلام الشارع وشلون تبينا نسامحه ..

الدب الداشر: هع هع هع يا حليلك يا طويل العمر (( بميانة )) والله انك أحسن مسؤول قابلته ..

المسؤول : ومنهم المسؤلين اللي قابلتهم ؟؟

الدب الداشر: طال عمرك قابلت واحد من الجماعة ملازم أول بالحرس .. وماشااء الله عليه خوش رجال بس انه ما ينفع ..


المسؤول : وبعد ؟؟



الدب الداشر: وقابلت واحد دوسري يعرف قوتسي عند الأمير سلمان ..

(( تدخل القهوة التركية ومعها كوب الماءهذه قهوة الصباح حقة المسؤول وينزلها القهوتسي أبوسعد على مكتب المسؤول .. ويآخذ المسؤول القهوة ويقمز الدب الداشر ويآخذ كوب المي .. ثم يشربه كله ويقول للقهوتسي الذي ينظر مستغرباً .. بالله اذا عندك شاي ورق تراني تعبان .. ))



يقاطع المسؤول : أطلع يا ابوسعد الله يعطيك العافيه على القهوة .. وسكر الباب وراك ولا تسمح لأحد بالدخول حتى نخلص كلامنا مع اهل رفحاء ..

الدب الداشر: يا بووو .. أسم الولد الله يخليه ..


المسؤول : أنس ..



الدب الداشر:يآبو أنس لكل جوادٍ كبوة وهذا أول خطأ يقترفه فهيد ولا يستحق والله أي عقاب .. وترى مثل ما قلت لك فهيد خوش رجال .. وله إحترامه ..


المسؤول : يعني تتوقع أنه يكون مستقبلاً مفيد ويجيب أخبار زينه ..

الدب الداشر: أي بالله يجيب أخبار ونص .. بس يبيكم تسندونه ..

المسؤول : خير إن شاء الله .. بس الشكوى عند السفارة على جريدة عكاظ بكبرهاا ..

الدب الداشر: ياطويل العمر الشكوى نقدر ندفع لليمانية رضاوة ..


يقاطع المسؤول :رضاوة؟؟ .. عندنا يا اهل نجد الرضاوة تدفع للمرأة بعد الطلاق أو بعد ما تتهاوش مع زوجها يعطيها رضاوة ويرجعها

الدب الداشر(( وهو متوهق حس أنه جاب العيد ويبي يرقع)): لا طال عمرك حنا عندنا يا اهل الشمال أي واحد تزعله وتبغي تتصالح معه تعطيه رضاوة حتى لو انه أبوسعد القهوتسي

المسؤول :أيه انتم مدري عندكم سوالف غريبه .. " أنا داخل عليك .. ياعمي الشيخ .. "

الدب الداشر: يبتسم بارد وجهه لأنه ما يقدر يرد ..

المسؤول : المهم يالدب الآن أفهم منك أنك تبي تقنع عكاظ ان فهيد يصلح للعمل ..

الدب الداشر: وبقوه بعد ..

المسؤول : طيب يالدب أنت ما تعرف قد ايش المشكلة وحجمها .. ويجب على عكاظ الوقوف موقف حازم لأن مثل الأخبار هذي تسبب مشاكل للجريدة نفسها وتفقدها المصداقية .. وتخسر قُـرّاء ..

الدب الداشر: أسمعني أبوأنس .. أهل رفحاء هم فقط اللي يعرفون الحقائق .. وأهل رفحاء مقتنعين بفهيد .. وبأخباره وصدقني ما اتوقع تلقون مثله بعد .. صراحة فهيد أنشط بكثير من غيره يعني مثل عطالله الدوخي من قديم وهو يكتب بس ما احد يدري عنه ..

المسؤول : عطالله ؟؟

الدب الداشر: ايه اللي بجريدة اليوم ..

المسؤول : ماهو منطق يالدب انك تقارن جريدة اليوم بجريدة عكاظ ..

الدب الداشر: أي نعم ولكن قارن بين عطالله وفهيد وراجع الأعداد .. وأخبار الأثنين .. وشف الفرق ..

المسؤول يهز رأسه : صراحة حنا مشكلتنا مع مجتمعات البدوا مشكلة .. مجتمع إشاعات ..

الدب الداشر : مو بس البدوا

المسؤول : بس هالعادة تكثر عند البدوا ..

الدب الداشر:أبداً البدوا كلهم خير وبركه أحسن من طروش البحر ..


المسؤول ( تتغير تعابير وجهه ) : البدوا عاشوا على السلب والنهب وكل حياتهم يذبحون في بعض .. ويقتلون وهاظمين للحقوق الغير

الدب الداشر: أيه سلب ونهب على شرف .. يعني أنت وفعلك وهذا ميدان لقياس القدرة والشجاعه .. وكان ذاك الوقت السمعه للفارس .. والشجاع شف الملك عبدالعزيز مضرب مثل بالشجاعة ..

المسؤول :الملك عبدالعزيز اصلاً كان غير مؤيد للبدوا

الدب الداشر: بس البدوا أيدوه .. وساعدوه شف جيشه وشف مساعدينه كلها بدوا ..


المسؤول : واللي تقول عنهم طروش البحر .. هما عرب مثلهم مثلك ..

الدب الداشر: بس أنسلخوا من اليعربية .. وإرتفعوا عن القبائل .. وفضلوا المدن وأختلطت أصولهم بأصول الغير عرب .. وكان الفعل ذاك الوقت فعل السيف وهو من جبانتهم فضلوا المدن للأمان ..


المسؤول وقد جنت جنونه : أنتم بدوا وتبقوا بدوا ولا تتعلموا حتى تموتوا .. يا جهله ..

الدب الداشر:...........

المسؤول : وبما انكم تفضلوا القطع إحنا حنتعامل مع المراسل مثل مالقانون محدد

الدب الداشر:....
المسؤول : أنت وش عندك ال
الدب الداشر: أبد يا طويل العمر أنا جاي أدور مكتب واحد من العيال ..


المسؤول : هيا حنرسلك لرفحاء مع سيارات الوطنية حقات نقل الجرايد والا تدري انت ما تكفيك سيارة نبي نطلب من الوطنية سطحة ..



:


.