مشهد في ضابط خفر برفحاء

[تابط شرا]

بحار ارجوا كمل القصه
...........

[بحار]

الأخ ليث شكر لإطلالتك ........ بس المشكلة أنهم ماهم دارين بشي

[بحار]

عزيزي أبو زياد كلامك صحيح وهو مكمن المشكلة

[بحار]

سعادة الرئيس ............... الله يخليك رئيس لعلك تحل لنا هالمشكلة

[بحار]

،،،،،،،،،،،،،،، المشهد الأخير ،،،،،،،،،،،،،،

((راح الجندي للضابط بعد ماشاف الاثبات ، طبعا قال لي بنبرة حادة خلك هنا لا تحرك وتعقد أمورك أنا أبي أروح للضابط لأني أعرف أهلك وأبي أمشي الأمور.........(بعني يبي يتوسط لي) ))
أنا : الله يكثر خيرك يالطيب

الجندي : ياأبو فلان

الضابط : (( وهو يتابع المسلسل )) نعم وش تبي ((بصوت عالي))

{{أ نا بعد ماراح الجندي وقفت على باب الغرفة وغرفة الضابط قريبة جدا وهي معروفة لدى الجميع أقصد بهن الغرفتين اللي بحوش الشرطة}}

الجندي : هذا يا أبو فلان اسمه فلان بن فلان الفلاني واللي ضرب الرجال يشبه اسمه الأول بس!!!!

الضابط : وش تقووووول ((بصوت منخفض ))

{{ أنا قربت لباب الغرفة اللي هم به}}

الضابط : زين وش جابه ؟؟

الجندي : هو اللي ضرب السربوت الصغير اللي جانا وقلت له رح وحنا نجيب الرجال نتفاهم معه

{{ حقيقة ماأدري وشلون يبي يتفاهم معي أنا صراحة خفت ورجعت للغرفة}}

شوي ويدخل علي الجندي والعريف .

العريف: شف ياوليدي الوجه الرضي( يقصد خويه الجندي) توسط لك عند الضابط ويالله يالله وافق

الجندي : وأنت يابو فلان ماقصرت (( يقصد العريف))

{{ صارت مزارق طيب على حسابي بس أشوى إني ساكت وعارف الحقيقة ))

العريف : وهالمرة نبي نكتفي بتعهد وبدون كفيل أنك ماتعرض أحد ....... لأنك محكوم ياوليدي اشتك عليهم وحنا نوريك بهم

الجندي : كلام صحيح ..............

أنا : الله يعطيكم العافية وأبشروا


((((( وقعت التعهد وهربت )))

السؤال المحير جدا جدا جدا


#### إلى متى هذا الاستهتار ياسعادة المحافظ وياسعادة مدير الشرطة؟؟؟؟؟؟؟#####

[القنـــــاص]

تلقى الحـارس جندي او توه معطينه خيط ونافخ راسه
صاير جندي اول

[هبوب الريح]

أشوا ألي قريت السالفة دفعة وحدة ..

ولا تنفقع مرارتي ( أعرف روحي ) ..

وكلنا معك بصوت واحد يا بحــــــــــــــار :

#### إلى متى هذا الاستهتار ياسعادة المحافظ وياسعادة مدير الشرطة؟؟؟؟؟؟؟#####

[بحار]

عزيزي القناص شكرا لمرورك ............................ وأنت الصادق جندي إلى ألحين

[بحار]

نديمي هبوب

شكرا على هالإطلالة المميزة وشكرا لمشاركتك شعوري ياحبيبي

[القنديل]

أخوي بحار

لو ما صار لك الموقف هذا ، كان ما ضحكنا ولا استانسنا بقراءة القصة


الحياة تجارب


والله يعين

[بحار]

عزيزي القنديل ......................... في رفحاء نرى العجب العجاب من بعض موظفي الدوائر لو كل واحد صاغها لنا كان استفدنا

واستانسنا .................................................. ..............................................

وعندي لك خبر خااااااااااص ترقب قصة ثانية وحقيقية بعد بس ماصارت لي صارت لغيري وهي:

********** يوم في المدرسة*********

طبعا ماراح أطلعها حتى استأذن من صاحبه أولا ....

[اسد المحمدية]

هةةةةةةةةةةةةةةةةةةة .

اليوم اعجبني جندي بالشرطة يفحط ويستعرض بالجيب الربع بدائري الروضة ودي اقول اسمة لاكن.....؟ الستر زين ...

وين الرقيب المسؤل ؟

افراد شرطة رفحاء بخبر كان ............؟؟

[بحار]

اسد المحمدية .......... شكرا لمرورك

والعيب مهو بالجندي العيب بمن سمح له بذلك...........

[فواز الرخيص]

[align=center]بحـــــار


احمــــد ربك الى ماحولك الى شرطـــة عرعر

وحكمــــت خمس سنوات ولا ست سنوات

في رفحـــاء ترا عجب العجــــاب

ولاتخـــاف مابعـــد العســـر الأ اليســـر

صدقنــى من يقوم بالاستهتـــار بمصالـح

المواطنيــن وآدميتهــم سيأتى من يريهم الحــق

حقاً والبــاطل باطــل

والمشكلــة اذا تقــدمت للمسؤلين وشرحــت لهــم

الى صايــر عندنا برفحــاء مايصدقــون!!!

تعـــرف ليش؟

يقــول هالتصــرفات ولاصارت في شيكاغو

وشلون تصيــر عندنا !!!!

عاد وقتها انت يالمواطن المسكين وش تقول ؟[/align]

[ابو مشعل]

ههههههههه
الله يعينك والله يهو مسلسل

كما قال احد الاخوة الضابط من الثانوية للكلية ،

يعني اسلوب الحوار صفر على الشمال