يابو شنب اطلع برى

[رفحاوي]

[align=center]

اتمنى ان ابو شنب ما يزعل من الموضوع ويتقبله بصدر رحب.


قريب لي ابوه كان ضابط بكتيبة الحرس الوطني اللي برفحاء فشل بالدراسة وطلب من ابوه يسجله عندهم بالكتيبة. الابو ما عارض لانه اصلا من الجندية ويحسب ان هالزمن مثل زمنهم ممكن ولده يترقى ويصير ضابط.سجل الولد وما داوم ويستلم راتب وهو بالبيت (محد يقدر يقول له داوم لان ابوه ضابط!!)

وبعد وقت ومن كثر ما يسمع من كلام ابوه واللي يجونه من حريسان عن الدوام تشوق انه يداوم وقال لابوه انه يبي يداوم باكر قال له الابو اوكي.جاء باكر و راح الولد لخوياه ويحضر عن عريف الفصيل (اللي كان له شنب اسوة بشوارب زملاه العرفاء) اللي اعطاه المهام الموكولة له (تصليح شاهي وقهوة ، تنظيف حمامات الله يعزكم ، كنس ،يحشون رغل من داخل الشبك الخ).

الولد كان مرفه ومدلع ومعوب بنفس الوقت. اول مهمة له كانت مشتركة مع ابن عم له تنظيف الحمامات وتصليح شاهي وقهوة لسعادة العريف (ابو شنب). قال لابن عمه ماعرف انظف الحمامات انت عندك خبرة نظفهن وانا ابي اسوي الشاهي والقهوة قال اوكي.

ابن عمه خلص من التنظيف خلال دقايق (خبرة) لكن رفيقنا المعوب ما سوى لا شاهي ولا قهوة. العريف قام يسال عن الشاهي والقهوة قال له ابن عمه تصليحهن على فلان (اللي هو رفيقنا). العريف ما يقوى على رفيقنا وقال لولد عمه رح سو الشاهي والقهوة.

زادت عباطة المعوب وبدا يتضايق منه العريف حتى انه جازاه. الولد شاف الجزاء وهو يركب سيارته ويروح للبيت ويوم جاء ابوه وهو يعلمه . زعل الابو وازبد وارعد ويمكن تفجر وقال ولدي باكر اوريك به علمن بس وين مكانه بالطابور. جاء باكر او ما جاء قولوا جاء وكان الابو هو اللي يدرب الكتيبة بالحصة الصباحية قال الابو : ياللي بالسرية الثانية الحضيرة الاولى يابو شنب اطلع برى الطابور ولف على الميدان تعرف وش اللي ببطنك.[/align]

[ليث]

يحشون رغل من داخل الشبك



كههههههههههههههههههههههههههههه

يعطيك العافيه

[سهرانه]

[align=center]

الولد كان مرفه ومدلع ومعوب بنفس الوقت. .[/align]

لووووووووووووووووووووووووووووووووووول

[ثقافي]

[align=center]



قريب لي ابوه كان ضابط بكتيبة الحرس الوطني اللي برفحاء[/align]

[align=center]~*¤ô§ô¤*~*¤ô§ô¤*~عسكر الحرس الوطني والله من كثر النووووووووووم وشرب القهوة والشاي ~*¤ô§ô¤*~*¤ô§ô¤*~[/align]

[رفحاوي]

ليث

عرفت اللي اتكلم عنه ؟!!

سهرانة

وشو فوووووووول ؟!

ثقافي

ولا تنسى التفقع لقايد الكتيبة.

مشكورين على المرور .

[ابو شنب]

هلا هلا هلا رفحاوي

ياحيفك يارجل !!!! كيف ازعل منك

فلاكن

ياجب عليك تزكن عليهم ان ابو شنب فيد المنتدى يفتخت عن ابو شنب فيد السريه

والكل منهم مقرود

انت عينت واحد له شنب مهو مقرود؟

هذولاهم يوم حلقو شنباتهم صارو وزرا وبمجلس الوزرا

وابو شنب من الباب وورا واقصا ماله ياصل عريف

دنيا تمشي على قفو يارفحاوي بس خله على الله

بغيت تبكينن ياشين

[رفحاوي]

يا جماعة الربع تروا (ابو شنب فيد المنتدى يفتخت عن ابو شنب فيد السرية) ...

افا عليك تبكي ...

اسمع عندي لك حل يسلك امورك ويخليك فوووووق ...

حف شاربك واذا قلبك يطاوعك احلقه عالزيرو وشف الترقيات اللي تبي تجيك ...

وخذ انتدابات ...

شهادات شكر ...

مناصب ...

فلوووووس ....

ومهي بعيدة يحطونك من كبار المفكرين والادباء والعلماء ...

تر المسالة يوم او يومين او اسبوع بالكثير وبعده تعود ...

ادري ان شاربك عزيز عليك وبينكم عيش وملح ولبن لكنك مضطر ...

ما اقوى اقول الوزراء تخبر وراي وغدان لكن اقول لك شف المدراء وكبار المسؤولين لا شارب ويتضحكون ...

تدري ليه يتضحكون ؟!!

اعلمك ليه ...

لان امورهم سلكت من شالوا شواربهم ...

بانتظار النتايج ...

تحياتي مثل ما يقولون ...

[الـــمـــذن]

أبو شنب : ما لاحقنا منك شك


رفحاوي : دائما ابداع يفوق الوصف .

[رفحاوي]

مشكور اخوي المذن على هالشهادة ...

[ابو شنب]

ياهلا برفحاوي

مساك الله بالخير

اقول مجلس الوزراء كل يوم تنقص به عدد الشنبات

الله العالم بعد كم سنه تلقا منابت الشنبات ممحله

الله يعز الحكومه هم ابخص منا

[رفحاوي]

يالربع ياللي تاخذون علاوات على تجميعكم الاخبار تروا ابو شنب ما يقصد اللي ببالكم ...

تروه حبيب وابن حلال واكبر واحد تغرش وجهه الشيحي ...

حتى محافظ رفحاء ما يقوى يجيب طاريه ...

وانت يابو شنب الله يهديك ما لقيت تضرب مثل الا باللحوات الغانمة ؟!!

كان يمديك تمسح امسح ..

كان عجزت تحلق شاربك علمن اجيب لك منشار شديد ...

منور الموضوع وراعيه ...

[رفحاوي]

الله يذكرك بالخير يابو شنب ...

لك وحشة عسى الله ما يطول غيابك ...

[السلطه الخامسه]

قصه معبره
ليث عليك طلعات
حلوه مرهههههههههههههههههههههههههههه

[هنا الدمام]

أبو شنب موجود
بس حلق الشارب وغير الديكور
فتش حواليك تراه يسمعك

[المدعي العام]

حلوه

كتيبة الحرس الوطني

صار الحرس كله كتيبة

صح النوم ووحد الدايم