الله يطول عمرك ويخليك ذخر لنا وأن شاء الله أنك من كل خير قريب :
لكن أسمحلي ياطويل العمر .... تدري ياطويل العمر أن أكثر من 4 مليون مواطن خسائرهم بالأسهم تقدر بمائة مليار ريال واكثر بكثير .. وأن سبب انهيار السوق ولد السحيمي جماز ..هذي مافيها شك..!!! وتكفى ياطويل العمر دق رأس الفارس الخفي اللي يضغط على المؤشر حتى يوصله إلى 9500 ليه حتى يدخل صانع السوق ياطويل العمر زميل لي مسكين دخل بـ 800 ألف وهالحين بقى معه 104 ألف وين راح الباقي..! يقولون المحللين أن السبب البنوك لو البنوك عندها المبلغ منين لهم خزنات للفلوس .... وناس يقولون الهوامير والله ياطويل العمر اعرف هامور بس ماهو كبير متورط ومتعلق حتى لبنه العليان زعلانة وماحضرت لقاء سوق المال بالهيئة الأسبوع الماضي بعدين ياطويل العمر ترى الدكتور / خالد الدخيل قال كلام في Lbc يخرع وسكته الشثري وقاله ياخالد اهدأ ياخالد اهدأ ... ! وترى كلنا متورطين.... ! ومن بعدها ما شفنا ولد الدخيل طلع بالتلفزيون.... ! وأتمنى يكون رأس مال صندوق الاستثمار مائة مليار ... ! والله يطول عمرك ويرزقك البطانة الصالحة والسـلام ،،،