المطـوّع و خديـد سـاره .. كاامله

[الدب الداشر]

[align=center]



مساء الخيرات


المطـوّع لو يشوف خديـد سـاره
********** طبّـق المصحـف وعجّـل بالصّـلاة

الكثير من تغنى كثيرا بهذا البيت , لكن هل نعرف شاعرها


وبقية القصيــده ؟

الشاعر هو محمد بن فهاد ويلقب ( ابن حصيص)

من مواليد الربع الاخير للقرن الثالث عشر الهجري .

واليكم ما عثرت عليه من القصيده .


هيـّض بن حصيـص في تالي نهـار
============= الـف قافٍ من ضميـره دارجاتـي

راكبٍ من فـوق منبـوز الفقـاره
================== آركي وحبال كوره كالفاتـي

آركـي ومربـع عشـب القـراره
=================== ماعلاه الشّـد له سبع سنواتـي

كن في عينه من الفـرقـى شـراره
================== او مخاليب الوحوش الطايراتـي

ولعتنـي بالهـوى والّزيـن سـاره
=================== واخلفتني عن غنادير البناتـي

من خبر جـارٍ ذبح بالـود جـاره
==================== بالمبيسـم والثنايا المرهفاتـي

المطوّع لو يشـوف خديـد سـاره
=================== طبّق المصحف وعجّل بالصلاة

ريق سـاره سكـرٍ لّه في غضـاره
==================== او حليب ابكار عربٍ مسمناتـي

والثنـأيـا قحويـان فـي زبـاره
====================== نافلٍ نوره على كل البناتـي

(والنهـود زبيـدي في لغـد قاره )
===================== علّهن وبل الحيا ومصلّعاتـي

حالفٍ ماسلى ولاانسى حب سـاره
================== لين اهل شقـرا يكبـّون الصـلاة

صاحبـي بالجـو مدهـالـه وداره
==================== ماربـا فـي ثرمـدا ولا مراتـي

جعل ضلـع طويـق يمحل هوّ وداره
================== جعل يمحـل والوشـوم مرّبعاتـي

حيث ينزل عندنـا مضعـون سـاره
=================== واهنـي صوحيبـي عنـدي يباتـي

واوجـودي وجد مكسـور الجبـاره
====================== ساهـرٍ تسعيـن ليلـه ما يـباتـي

او وجود اللـي فضـى الحاكم ديـاره
===================== وخـذ مالـه والحريـم مسلّبـاتـي

عقب ماهـو تاجـرٍ راعـي عمـاره
====================== صـار فـلاحٍ وامـوره هيّنـاتـي

لايمـي يعطـى حنيـشٍ فـي خيـاره
==================== سمّهـا يشظـى العظـام الصّالباتـي
[/align]

[ابو مشعل]

ايييييييه يالدب اثري قلك خضر
بدري على هالسواف خلص دراستك ياوليدي وبعدين فكر بهالسوالف

شكرا ( فري ) شكرا

[الدب الداشر]

كح كح كح

أبومشعل .. الله يهدااك .. طول شواااربي وللحين توي ..

زين

إنتظر قصيدة الهجااء وعلى نفس وزن ذي ,,,

(( على فكره خلصت درااستي ))

[جرواني]

[align=center]صح لسانك دبدوب
الظاهر المتواجدين معجبين بالقصيده لدرجه اني لقيت 5 فاتحين نفس الصفحه[/align]

[الوتر الحساس]

>>> لي تحفظ على بعض الأبيات <<

بس ياليت تشرح لنا المعلقة هذي

[أبو الطيب]

الله يعطيك العافية على النقل

[رفحاوي]

تلقى سارة به زمام ياصل كبده

وله قرون يتعدن ركبه

ولابستن ثوب ما ناشه المويه


ازين ما به هالاسم

اسم سارة حلو كثييييييييييييييييير ...


شكرا دبدوووووووووووووب

[نايف عايد]

الله يعطيك


العافيه


وياليت اذا في شي



تعطينا ترى سا حتنا


صارت سوبر ماركت



انواع الشعر الردي


وانا ما اعمم ولكن هذا الحاصل

[الدب الداشر]

صح لساانك حجي جرواني ..

ممكن عن طريق البحث .. ؟

[الدب الداشر]

حجي الوتر الحساس ..

شف أقرب شايب حولك وأسأله ..


الله يحفظك يا بعد خشمي

[الدب الداشر]

الله يعافيك الطيب أبوالطيب ..

[الدب الداشر]

هههههههههههههههههههههههههههههههههه

حجي رفحاوي ..


الشكوى لله .. يسمونها " متطلبات العصر " ؟!


(( زمام ؟ .. ليش فرس ))

قلتها بمنتدى التسلية وضحكوا ..

[الدب الداشر]

حجي شمالي ..


صدقت ..

الواسطات مآخذه شغلها ..


بالذات في منطقة الشمالية .. فيها من الشعار الشيء الكثير .. بس مافيه ظهور إعلامي ..

وقالها الشاعر ياسر التويجري يقول عمرك سمعت بشاعر من المنطقة الجنوبية ؟

وزعلوا عليه وكتبوا فيه هجاء ..

بس الحق حق ..

شكراً لك ..

وأبشر .. بالقصيد ..