الهدايا والورق .. إهداء من مشاعر الدب الداشر لكم

**الدب الداشر** · 27 Jul 2006, 07:34 AM

[align=center]ليست إلا محاولة خيالية كالعادة , أهديها إلى قلوبكم الطاهرة , وأتمنى من الله أن تحوز على رضاكم[/align]

[poem=font="Simplified Arabic,4,black,bold,normal" bkcolor="white" bkimage="" border="inset,4,gray" type=1 line=0 align=center use=ex num="0,black"]
يحدك وقـتك القاسي وعدنا بآخر المشوار=إلى من جابتك يمي ظروفك بأسوأ أقدارك

تذكر وقتك الخاين تذكر والزمن دوار=وربي غيرها تعزف حسايف نغمة أوتارك

كذا وألا كذا تبقى الهدايا والورق للنار=وأنا ماني ترى مثلك وبكتم كل أسرارك

تحملتك سهر ياليل ./. كفاية عنها أعذار=كفى مني وفى وألا كفاية ضاع مشوارك

بكمل // أيه .. من دونه بكمل وأشتعل إصرار=أعرفك لانويت الشي يقلبي وأعرف إصرارك

بدينا هـجرها يالله // وذا درب الجفا مضمار=تسابق عنها بعد القلوب وقطعة أنظارك

هنا راحت .. هنا ماتت .. هنا مدري أنا وش صار=وكاد اني أحس بشي موّدع حبّها تارك

هنا كانت نهايتنا / هنا راحت مع التذكار=هنا عدّت .. بنا .. عمر السنين وماتت أفكارك

هنا جتني .. على مركب أمل // ضايعٍ منهار=هنا ردت بنا طول السنين وردّ تذكارك

هنا وان جات سيرتها غيوم وقدرها الأمطار=زبنت القلب يسعفني ملاذي ليلة امطارك

بزغ صبح التعب منك وراسي والجمر سهّار=على نغمات ماضينا سهرتكـ بآخر أدوارك

تذكرت الغلا كله تذكرتك غيوم أشعار=سبب في عرضة إحساسي لـ سكينك ومنشارك

تذكرتك تناديني حياتي وأسألك للجار ؟=تردين وتقولي أنا وش جابني لـ جارك

تذكرتك تقولي لي وش اللي يجذبك وتغار=وأرد عيونك الحلوة وخلي باقي أسحارك

تذكرتك مع عيوبك وزاحت عنها الأستار=تذكرتك مع ذنـوبك تذكرتك مع اوزارك

تذكرت الأنانية وحبك دوم جذب المار=تذكرتك على الماضي / على لبسك / على عارك

تذكرتك على حب الفلوس وعملة الدولار=تذكرتك على شحّك على نفسك بدولارك

تذكرتك على ذنبك وأنا أصنع للعذر أنهار=خلاص العذر ما ينفع وجفّت كل أنهارك

تذكرتك تذكرتك تذكرتك وحان الثار=بلاش الكره والشكه بلاش أتدور لثارك

خلاص أسمع ابكتب لك عبارة فوق باب الدار=كتبت الشعر في خطي اذا تقراه بجدارك

تذكر يومني قلت الملاقى بآخر المشوار؟؟=وهذي جابتك يمي ظروفك بأسوأ أقدارك

خلاص أنسى وأنا بنسى ولابأسمع وراك اخبار=وربي ما يسليني سوا الفرقى عن أخبارك

هنا صديت خليته مع همومه وهو منهار=هنا أيقنت في قلبي مودع حبها تارك[/poem]

وسلامتكم ..

وأكرر بأنها خيالية , ومجرد محاولة ..

أتمنى أن تحوز على رضاكم ..

**يونس رعد الربع** · 27 Jul 2006, 07:50 AM

.
.

والله منت هين أخوي / الدب

صح لسانك والله لايهينك

.
.

أحتراماتي
,‘
‘,
,‘

يونس بن رعد
//
..
\\
..
//
..
\\

**العالمي** · 27 Jul 2006, 07:51 AM

صح لسااااااااااااااااانك

**جرواني** · 27 Jul 2006, 12:40 PM

[align=center]صح لسانك دبدوووووب

ومشكور على الأهداء

بس من هو هذا اللي مشيب بك ؟؟[/align]

**أبو هيا** · 27 Jul 2006, 07:54 PM

رائعه يادبدوووووب ياشاعرنا الغالي
مشكور على الاهداء بس كثر منها سالفة الخيال هذي

**الدب الداشر** · 27 Jul 2006, 10:32 PM

[align=center]أبورعد صح بدنك ..

مجرد محاولة ..

وقصيدة أبرار جاهزة بس ياويلك تردني ..

صح بدنك وشكراً على المرور .. [/align]

**الدب الداشر** · 27 Jul 2006, 10:36 PM

[align=center]العالمي ..

صح أبداااااااااااااانك ..

شكراً لمرورك .. [/align]

**الدب الداشر** · 27 Jul 2006, 10:38 PM

[align=center]جرووووواني ..

صح بدنك الغالي ..

واللي مشيب بي هو أني خيالي ..

وأنا والله صادق .. قصيدة من أرض خيالية .. [/align]

**الدب الداشر** · 27 Jul 2006, 10:52 PM

[align=center]حجي حمووووووود ..

صح بدنك ..

وتخبر رفيقك يحب الخيال ..

ولا تجني علي أنت وجرواني .. ياناس والله خيال ..

( على فكرة أخوي الكبير متابع المنتدى .. بكرة يصدق كلامكم بعدني ..... يصرعني .. )

شكراً لمرورك حجي ... [/align]