يا من تشكك بمستوى جامعاتنا .... ادخل وشف

[رفحاوي]

أبدأها بصناعة الاقمار الصناعية بايد سعودية...!!! وطيب وكيف انهيتها..؟

اخوي خلك واقعي ونبي الحوار فيه مصداقيه... اللحين تفتخر في جامعاتنا على شان امر واحد من الف مليون مليار انجاز قاموا فيه الغرب..؟


تبغاني انزل لك مواضيع درساتنا من الابتدائيه إلى الجامعة...!؟

مادة .. التاريخ..عن الملك عبدالعزيز طيب الله ثراه
مادة..الجغرافيا..تضاريس المملكه
مادة..التوحيد..عن محمد بن عبدالوهاب

حتى الحاسب .. اللي مفروض الكل يعرفه .. يعلمونك على الورد..تكتب اسمك وابو فلان ورقم تليفونك خلاص من قدك اذا سويت كذا

شوف يبوي بقولها من الاخر ..اذا تبغى تدرس لغه عربيه والا اصول دين انصحك في السعوديه ... غير ذا اقرب رحله للخارج


يا من تشكك بمستوى جامعاتنا .... ادخل وشف ..!! تفتخر في فتاة سعوديه وتفتخر بجامعاتنا ع شان قمر صناعي..؟ لك حق تفتخر بما انك جاهل

[align=center]

ما فهمت سؤالك عن الاقمار الصناعية السعودية ... قصدك انهم ما صنعوا اقمار ؟!!

بالنسبة للواقعية اتكلم بواقعية وباشياء من الواقع وشفت بعضهن وسمعت عن الاخر ...

بالنسبة لمناهجنا :

التاريخ يمكن فصل عن الملك عبدالعزيز (الله يرحمه) مع انه يستاهل سنين عنه ... الملك عبدالعزيز كان يخطط ونظرته بعيدة ... ارجع للتاريخ وراح تعرف انه بطل وحد الناس ونشر الدين وطور بالحياة ... سوى انجازات يوم كان اجدادك مليانين قمل وما يدرون وين الدنيا موجهة ... اعرف قدر الملك عبدالعزيز الله يرحمه قبل ماتكلم عنه ...

الجغرافيا ... تبيهم يدرسون لغة انجليزية بمادة الجغرافيا ؟!! او تضاريس كولومبيا ؟!!

التوحيد ... احترم الشيخ محمد بن عبدالوهاب واحترم الملايين اللي يحبونه ... الشيخ الله يرحمه تعلم وعلم الناس ودعاهم للتوحيد ... بينما اجدادك يشكون من المس (السبب) ...


الحاسب ... وين اللي يعلمون الوورد ؟!! يمكن تقصد المعاهد الاهلية ... فرق بين هالمعاهد والجامعات ... ولعلمك كليات الحاسب الالي ما تدرس وورد ووندوز واكسل واكسس الخ الخ


انت تتكلم عن التعليم بالسعودية بدون واقعية .... مدري صراحة وش تخصصك بالجامعة ... بالنسبة لي درست بالسعودية بجامعة الملك سعود ودرست ببريطانيا ... ولقيت السعودي افضل من الاوروبي ... حتى عيالنا صاروا متفوقين عندهم مع ان مستواهم وسط بالسعودية ...


عندنا نقص بالتعليم لكنه افضل بكثير من غيرنا وخاصة انهم يركزون على اللغة العربية ومواد الدين بالمراحل التاسيسية ...


تو شفت كلمة جاهل باخر ردك وماقول الا الله لا يكثر امثالك ...


بعض الناس اذا كتب تحس كانه ياخذ من وصاخته (الله يعزكم) ...

[/align]