قبل عيد الفطر كنت في مدينة من مدن المملكة الكبيرة ، وحينما دخلت السوق إذ بي أرى موقف يسع سيارة واحدة فقط ، (فصفطت) السيارة بالعرض .. وما دريت الموقف طولي فقط !!
على العموم إني نزلت من السيارة ودخلت المحلات ، واحد ورى واحد مالقيت اللي أبيه !!
وأخذت فوق ربع ساعة وأنا أدوج وبعد فترة سمعت صوت بوري المرور توقعت أنهم ماهم حولي فقلت : إذا هو يقصدني ينادي بالمكرفون ، وبعد نصف ساعة رجعت لسيارتي وركبت ، وإلا والله أشوف ورقة صفراء على المساحة ويوم نزلت فتحتها وإذ بها مخالفة باسمي كاملا .. مطلعين الاسم عن طريق اللوحة لأن الاستمارة باسمي ..

فأقول ياحليل مرورنا الله يحفظهم - اللي يقعد يحتريك عند سيارتك ويصوت لك لما تمشي - ومع ذلك مايعطيك شيء ...