اضحك وانا اسمع سيرتي في المجالس..

[رفحاوي]

اولا امل من المشرفين تعديل كلمة مشكورة لمشكور بمشاركتي اللي فوق ... ولهم الشكر .

ثانيا .. اختي الجاهدة :

اول كانوا الرجال والنساء ( وليسوا اشباه الرجال والنساء هالايام ) كانوا يربون ولدهم على الرجولة والبنت حتى تكون امراة نافعة ... وبالتالي يكون الولد والبنت قبل العاشرة كانهم كبار ... فالولد ابن عشر سنين يقوم بواجب الضيف في حال غياب والده والبنت ايضا تقوم بدور امها وتساعدها ... الخ

لكن اشباه الرجال والنساء هالايام ... اولادهم يبلغ عشرين سنة وهو خبل 100 % وجهه بارد ناعم ما يعرف من الدنيا الا الاكل والاسواق والنوم وفساد النت ... والبنات اخس واخس .

ابي اقول لك وش صار لي ولاخواني وخاصة لي :

كنا عايشن بهجرة وكان ابوي ( الله يطول لي بعمره ويخليه ) جايب لي سيارة جديدة وكان عمري وقتها 13 سنة وكان مسلم لي كل شي حتى راتبه اروح استلمه واسدد الناس واشتري اغراض البيت واروح اتسلف باسم ابوي ... واشترى لي جمس صالون مع السيارة وكنت اودي اهلي لمدينة تبعد عن هجرتنا حوالي 150 كم على طريق دولي ومزدوج وكان يرسلني اكلم ناس بامور كبيرة او اعزم واذا بغى يسوي اي مشروع يسالني عن رايي واذا قلت رايي يمدحني واحيانا يعدلني ... كان يطلب مني ان اصارحه بكل شي وانه لن يزعل مني ... باختصار محسسني اني رجال ومعطيني الثقة وبكل تاكيد انه كان يتابعني بدون ما احس ...

طبعا بالنسبة لي صعب اني اطبق هاللي صار معي مع ولدي لاني اعيش بمدينة ويا ليتني اقدر اعيش بهجرة ... ومع ذلك احاول ان اوجهه واعطيه الثقة .

اختي المجاهدة ... تذكرت ايام حلوة عشتها مع انسان كريم جدا جدا ورجل بمعنى الكلمة الكل يمدحه يخدم الضعيف ويساعد المحتاج ... ويحق لي بان افتخر باني ابن له.