كلمة موجهة لجميع الأعضاء

[بنت الخليج]

من خلال المواضيع المطروحة خاصة المواضيع اللي تمس بعض الدول و بعض الجنسيات لاحظت إن بعض الأعضاء و بدون تحديد يلجأ لأسلوب التجريح و يستخدم كلمات غير مقبولة في الرد ، و هالشي طبعاً محد يقبله . خاصة إذا قرأ الرد عضو ينتمي لنفس الجنسية أو الدولة اللي تم تجريحها . فياليت نرتقي بأسلوب النقد و نترك التجريح و إذا كان في غلط نحاول نناقشه بأسلوب راقي.مراعاة لشعور الأعضاء خاصة إن منتديات رفحاء تضم أعضاء من جنسيات مختلفة و دول مختلفة (ماشاءالله).

كلنا نتمي لخليج واحد و نعتبر كل دولة من دول الخليج دولتنا و كلنا على علم بأن مافي دولة تخلو من السلبيات بالعكس السلبيات موجودة بكل مكان . و الإنتقاد للظواهر السلبية مقبول إذا كان بأسلوب محترم الهدف منه تحديد الأمور السلبية و المشاركة في إيجاد حلول لها بعيد عن التجريح و الإهانه .

فاللي يتفق معاي ياليت يوضح رأيه.

[بــرسـتـيـــج]

[align=center]الله لا يهنيك يا بنت الخليج ولا ازود على كلامك الأ ياريت نترك العصبيه القبليه والارتقاء بافكارنا ومواضيعنا ..
وما دام الموضوع يخص جميع الاعضاء احب اقول اني الاحظ بعض الاعضاء يطرحون ردود فقط بدون لا نشوف مشاركات
فعليه .. اقصد البعض يدخل يرد على احد او اغلب المواضيع وثم يخرج .. و نادراً نشوف منه مشاركات ... قصدت البعض وليس الكلّ

اشكرك بنت الخليج .. وتحياتي لك و لجميع الاعضاء ..[/align]

[رفحاوي]

[align=center]
كل الناس تبي تتفق معك ...

رايي يا ليت توضحين الأخطاء وبكل صراحة ...

وان شاء الله الغلطان يبي يعتذر ...
[/align]

[بنت الخليج]

أخ رفحاوي التعبير عن الرأي له فن و ذوق و نسبة مو قليلة من الأعضاء يفتقدون لهذا الفن .
و مثال بسيط ، ردك على إن النكت سيئة لأنها مصرية ،فيها تجريح لهم ، و إنك ما تفرق بين الجداوي و المصري ،تلميح ماله داعي.
الحكم على موضوع بناء على الجنسية ، شي يضحك
ما أحد يرضى على ديرته و اللي ما ترضاه ع نفسك لا ترضاه ع غيرك

المثال الثاني
( البحارنة وضعهم مؤسف و مزري)

البحارنة ككلمة تطلق على فئة الشيعة فقط .
بالنسبة للفنادق ....الخ
فعلاً وضع مؤسف و البحرين كشعب معارض لكل ما يدور فيها و يسعى لوضع حل لهذا الموضوع
فياليت بدل ما تتأسف و تتحسر . تشاركنا بحل او رأي نستفيد منه
سواء خاص بحكومة البحرين و الخطوات التي يجب اتخاذها لإيقاف هذه المهزلة أو بمرتادي الفنادق من الجنسيات الخليجية.

[رفحاوي]

أخ رفحاوي التعبير عن الرأي له فن و ذوق و نسبة مو قليلة من الأعضاء يفتقدون لهذا الفن .
و مثال بسيط ، ردك على إن النكت سيئة لأنها مصرية ،فيها تجريح لهم ، و إنك ما تفرق بين الجداوي و المصري ،تلميح ماله داعي.
الحكم على موضوع بناء على الجنسية ، شي يضحك
ما أحد يرضى على ديرته و اللي ما ترضاه ع نفسك لا ترضاه ع غيرك

[align=center]

لا يكون كاتبة هالموضوع انتقاد لي ؟!!

شوفي يا بنت الخليج ...

النكت موضوعه بسيط ونبي نتجاوزه للي زعلك ...

قلت البحارنة وضعهم مزري ومؤسف لأنه فعلا وضعهم مزري ومؤسف ...

فقر

غلاء

فساد

تخبطات

الخ

شي يقهر اشوف حامل الشنط بفندق بحريني وصاحب الفندق واللي على الاستقبال هنود ...

واتوقع تتفقين معي بهالوضع المزري ...
[/align]

[بنت الخليج]

مالي أي مصلحة أوجه الإنتقاد لك رآيك ما يقدم ولا يأخر
الإنتقاد له أسلوب وهو وضع السلبيات و الحلول المقترحة
أسلوبك ما يوصل إلا إلى التجريح
مثل ما في البحرين فساد في السعودية فساد
عندكم سلبيات و عندنا سلبيات بدرجات متفاوتة
عندكم إيجابيات بأمور معينة و عندنا إيجابيات
اللي أبي أوصله محد يقبل على ديرته ، لو أسلوب إتقادك أرقى قبلناه بكل رحابة صدر،لكن هالأسلوب غير مقبول
بضرب لك مثل
لو شخص عنده أبن ما يصلي و ما يصوم و فاسد
و جا واحد بينصح الوالد بأنه يحاول يصلح أبنه
أي طريقة أنسب
أبنك الفاسد اللي ما يصلي و لا يصوم الضايع ، اللي ما يعرف ربه ، آخرته النار حطوا بالكم عليه

ولا

حاول تصلح أبنك، حثه على التمسك بالدين ، قص عليه قصص ذات عبرة، حاول تخليه يختلط بناس صالحين ، أبعده عن أصحاب السوء.


و ديرة الواحد منه و فيه مثل أهله ما يرضى عليها
إتمنى أكون وصلت قصدي

[ليث]

كلامك سليم بنت الخليج.............



الله يعطيك العااافيه

[بنت الخليج]

مشكور أخوي برستيج على ردك و أضم صوتي لصوتك بالنسبة للأعضاء اللي يكتفون بالرد دون مشاركة.

[بنت الخليج]

الله يعافيك أخوي ليث
مشكور

[ابن روما المدلل]

كلام 100% يا بنت الخليج ..



وريا ريت اللي عنده اسلوب مش ولا بد .. يحتفظ فيه لنفسه ...


ويوفر على حليقه كم كلمتين ,, ويستبدلها بالتسبيح



بنت الخليج



دمت بـود ...

[انزيم الغرام]

وريا ريت اللي عنده اسلوب مش ولا بد .. يحتفظ فيه لنفسه ...


ويوفر على حليقه كم كلمتين ,, ويستبدلها بالتسبيح

...

كل يقول لكن وين اللي يطبق الكلام

ع كل حال اذا الانسان كفا شره مانبي من خيره شي خخخخخخخخخ

بنت الخليج

خلي روحك رياضيه وبكل مكان نشوف هيك حكي وكل شعب شايف حاله على غيره
والواقع انه كل واحد اردى من الثاني
واسرائيل تلعب وتضحك وتتمسخر منهم كلهم

مشي حالك اختي

[عزيز395]

كلنا نتمي لخليج واحد و نعتبر كل دولة من دول الخليج دولتنا
فلو غلطت علي راح ارد واغلط عليك فما في داعي للغلط من اساس لان الشغلة راح تطول انت تقول وانا ارد وانت ترد وانا اقول فخل الانتر نت للهدف الي ودجدت لة الترفيه والفائدة (( مو للهواش))....