للمتزوجين حديثاً والعرسان الجدد يوجد توصية تدبيلة ان شاء الله

[رفحاوي]

[align=center]
منقوووووووووووووووووووووول



بسم الله الرحمن الرحيم

السلام عليكم ورحمة الله وبركاته

تكفون يا مشرفين لا تنقلون الموضوع على الأقل خميس وجمعة بعدين شوتوة للأستراحة


من منطلق انساني بحت ابت لقافتي الا ان تساهم ببعض الدرر من نصائح جليلة وتوصيات مجانية لأخواني العرسان والمتزوجين حديثاً من ابناء بوابة البورصة
وهي عصارة خبرة من زوج قديم مضى على زواجة اكثر من خمصطعشر ورقماً 15 سنة
اخي العريس حاول ان تقراء نصائحي وحدك وانت لا بس الفانيلة العلاقي عشان مسامات اباطك تكون مفلترة


عزيزي المتزوج حديثاً انا ادري بك انك طفشان وضايق خلقك لاكن ما هناك بد من تطبيق ها النصائح يمكن الله يفكك منها اللصقة ما بقي الا الحمام تدخل معك تستاهل اعطيتها وجهة تحمل يا الحبيب
واسمعني زين هذي النصائح اتمنى ان تطبقها بالحرف الواحد اذا تبي حياتك تكون سعادة وهناء وتتحرر قليلاً من ها اللصقة التي تريد مشاركتك كل شيء حتى ودها تقول بقيلي اذا في يدك سيقارة


1/ من أول سنة زواج خلها تجيب لك عيال وتشطر وخل كل تسعة شهور وبطنها ناقز قدامها ( حامل ) اير باق جمس منفوخ اثر حادث مروري اليم
عسى وانا اخوك تنشغل عنك بالبزارين وتريحك من طلباتها وغثاها ماهو تسوي مثل بعض الأزواج الي متأثرين بالمسلسلات المصرية
ما تجيب زوجتة عيال الا بعد اربع او خمس سنوات تراها بتمتحنك اذا ما عندها عيال كل يوم مرتزة جنبك في السيارة كأنها وحدة من سلاحف الننجا حتى لو بتروح البقالة تجيب خبز والا قوطي ( علبة ) تونة تقول بأروح معك هجل اقعد وحدي بالبيت ( حاول انها تجيب تؤم انت وشطارتك )


2/ اذا روحت انت وياها للسوق لا تسوي فيها متحضر وتخليها تمشي قدامك وانت وراها كأنك خروف نعيمي رايح للقصاب الا خلها هي تمشي وراك وانت قدام ولا تنسى قبل ما تطلعون من البيت تجيب بخاخ بوية بيضاء ومن غير هي ما تحس بخها في مؤخرة الرأس يا على الغطوة او على العباية وتعلمها بدائرة بيضاء علشان تكون مميزة وسط الحريم اذا طبيتم في زحمة في احد ها الأسواق يسير تعرفها على طول ماهو كل شوي وانت مبتلش في وحدة ماهي زوجتك وتركبها معك بالسيارة ولا تكتشف انها ماهي زوجتك الا بعد اسبوع ؟؟؟

3/ اذا ودك تعزم ضيوف لك لا تعلمها الا قبل العزيمة بساعتين 0 حوس مريرها خلها تطامر في التنظيف والترتيب وتبخير البيت والمجلس لا تكون دلخ وتعلمها قبلها بيومين تراها بتعزم اهلها وأخوانها وبيجونك قبل المعازيم ويرتزون في المجلس هم وخشومهم لا ومن زين الخلقة الي الواحد فيهم كأن عندة جفاف رايح مثل المسواك الناشف تقول مثل ذاك الي يجي في دعاية سفن أب امحق من ارحام

4/ اذا جيت يوم ودخلت للبيت ولقيت زوجتك قالبها براطمها يعني الي فوق صار تحت والي تحت طلع فوق ( مبوزة ) ثق تماماً ان امها قامت بزيارتها
لا تكدر خاطرك ولا تكلمها ولا تقلها ثلث الثلاثة كم روح يم الثلاجة واشربلك موية باردة واللبس شماغك وتوك على اقرب مقهى واطلب معسل تفاح بحريني ومدد رجولك وانا اخوك ما عليك من احد المال مال ابونا والحموات غلبونا

5/ ياخوي اذا زنقتك الظروف وسرت طفران خلصت الدراهم لا تمردغ وجهك للرجاجيل وتطلب سلف روح لغرفة النوم و قش ذهبها الي في الأصل انت متدين ومشرية يوم ان ابوها هو ووجهة قاعد يشخص عليك يتشرط ايام الخطبة
ورح للسوق وبيعة ومشي حالك يعني ما بتسير مزيونة زوجتك الا اذا لبست ذهب
اشترلها بعدين كم طقم من الفالصو ابو عشرة ريالمن محلات ابو ريالين

6/ في الحارة او الحي الي انتم ساكنين فية لا تسمحلها بزيارة احد من الجيران الين انت تسوي تحريات خاصة عن الجيران واذا نتجت تحرياتك الخاصة وجود سيارات من ماركة مرسيس (فياقرا ) او بي ام دبليو
( B.M.W) او كاديلاك او من ها السيارات الفخمة الي قيمة الوحدة فوق المئتين الف ريال وهذا مؤشر قوي يدل ان هؤلاء القوم ما يصلحون لك ولا هم في مستواك المعيشي واذا سمحت لها الملقوفة زوجتك تزورهم وتشوف اثاثهم وغرف البيت والمطبخ والفرش والستائر الى اخرة
قسم بالله تبلش معها معها كل يوم وهي تزن على دماغك شوف صالونهم شوف عفشهم شف مطبخهم شوف غرفة نومهم شوف صراميكهم شوف افياشهم وراك ما تشري لنا مثلهم وراتبك يا دوب اربعة الاف و3500 بعد الخصميات
الا خذها يا الذيب من قاصرها ولا تخليها تزور الا الجيران الي دايما يوقف قدام بابهم وانيت من موديل 85 جيب شراع كراسيدا أي موديل كابرس 88 ماهو مهم معروفين اهلها
هذولي لا بئس خلها ترتز عندهم الحال واحد ويمكن تقعد تشخص هي عليهم


8/ لازم يكون لك كلمة في البيت من ناحية الخطوط الحمراء وهي كالتالي
أ: شيل الصفر الداخلي من الهاتف علشان لا تتصل عليك كل شوي على الجوال وينك فية
لا تنسى الحفايظ 00 البصل خلص دبة الغاز غلقت ومن مثل ها الطلبات الي ترفع الظغط
ت: لاتأكل اكل بايت خلها تطبخ كل يوم بيومة وكل وجبة بوقتها اكرف ابو جدها
ج: ممنوع دخول الشغالة في البيت مهما صار ( النفس امارة بالسؤ)
د: اذا ما جازتلها هذي الشروط خلها تشيل سحارتها ( شنطتها ) وتضف وجهها عند أهلها وهم الخسرانين ( قدها تيلة في حلقك )


اتمنى لك حياة سعيدة وعظم الله اجركم في عزوبيتكم

عنترنيت



http://www.borsagate.com/vb/showthread.php?t=89209[/align]

[ليث]

أخوفي انك تبي تجدد شبابك


خصوصا هاليومين خاف على بنات مخينق


ياحيف يابوشنب تعال شف عقيدنا رفحاوي

[رفحاوي]

أخوفي انك تبي تجدد شبابك


خصوصا هاليومين خاف على بنات مخينق


ياحيف يابوشنب تعال شف عقيدنا رفحاوي

هههههههههههههههههههههاي

الشباب اذا روح ما بيرجع اخوي بس عسى الله يحسن خاتمنا ...

الله يذكره بالخير ابو شنب له وحشة ...

ماهي قصة خاف عليهن ...

لازم نعلمهن باللي ينفعهن حتى لو زعلن ...

[أقصر طويله!!]

ياويل تسبدي ويلاااااااااااااااااااااه ..

امحق من نصايح بالله هذي نصايح

ياويسي ياحنا نكسر الخاطر ..


ينطيك العافيه ..

...................................::":.:......... ........

[رفحاوي]

ياويل تسبدي ويلاااااااااااااااااااااه ..

امحق من نصايح بالله هذي نصايح

ياويسي ياحنا نكسر الخاطر ..


ينطيك العافيه ..

...................................::":.:......... ........

الله يعافيتس ...

سلامة تسبدك يالطويلة ...

يقول الرجال ان عنده خبرة وحبيت انقله للاخوان عشان تعم الفايدة ...

السؤال نقوى نطبقه ولا لا؟!!

[هديل]

ههههههههههههههههه,,,,ضحكة مو من نفس ,,,

معتقل هذا ماهو زواج...مين اللي بتكمل عنده عقب هالبلاوي؟؟؟


بس والله ضاق صدري من هالمقال وجاني احباط


لهدرجه حنا مالنا قدر عندكم؟؟؟؟

[رفحاوي]

ههههههههههههههههه,,,,ضحكة مو من نفس ,,,

معتقل هذا ماهو زواج...مين اللي بتكمل عنده عقب هالبلاوي؟؟؟


بس والله ضاق صدري من هالمقال وجاني احباط


لهدرجه حنا مالنا قدر عندكم؟؟؟؟

الموضوع فكاهي ماهو جدي ...

المرة المتنسعة على الراس والعين ...

والخبلة اللي تسمع من هنا وهنا الله يعينه على اللي يبي يجيه ...

المرة السنعة احلى شي بهالدنيا ...

[هديل]

المرة السنعة احلى شي بهالدنيا ...

احلى رفحاوي

حركااااااااااااات والله تعرف تقول كلام حلوووووووو

[رفحاوي]

احلى رفحاوي

حركااااااااااااات والله تعرف تقول كلام حلوووووووو

هههههههههههههههههههههاي

غلطة وما اعوده ...

اللي قلته هو الصحيح واللي المفروض كل وحدة تعرف هالشي وما ينضحك عليه بدراسة ووظيفة ...

بعدين الرسول صلى الله عليه وسلم قال(الدنيا متاع وخير متاعها الزوجة الصالحة) ....