سبع الصنايع

[القروي]

لا خانت دنياك قل عادت البنت .... دنيا وفيها من العذارا طبايع

من كثر ما جربت وامنت وايقنت .... الطيب بالدنيا وبالبنت ضايع

لا هنت يا قلب شكا الضيم لا هنت .... من دنيتك ضاقت عليك الوسايع

كم كنت قاسي لكن من الزمن لنت .... اذا اطلقك لايع تقفاك لايع

رغم السنين وخبرتك ما تمكنت .... راحت حياتك بين شاري وبايع

الحظ كم عاند من الناس حتى انت .... ما طاعك من الحظ يا قلب طايع

وكم شانت وجيه الرفاقه ولا شنت .... خابرك يا قلبي تحب الرفايع

وفيت معهم واكثر من الوفا كنت .... والغدر بين الناس هالوقت شايع

اسرفت باخلاصك وطيبك ولا خنت .... مع دنيتك جربت سبع الشرايع

كن المثل يا قلب راكب عليك انت .... سبع الصنايع لكن البخت ضايع


’’’’’’’’’’ وسلامتكم ’’’’’’’’’’’’

[align=center]الحمدلله
وش ذي يافلاح ؟! لاتكن متشائم تفأل تجد خيراً !!!
ابيات ولا اروع وصحيح كثير من الوفا يقابل بالجحود لكن عند القليل ان شاءالله
تسلم يأبوالروائع !!!!!!!![/align]