الرسالة الأصلية كتبت بواسطة هرطمان

كم مانت منشن
هلا باخوي المتلطم دائما / هرطمان ...

اول ما قريت هالكلمتين دورت القاموس حسبت تكلم انقلش

تصدز عاد اني بواردي ؟ صارت قصص حلوة وكنت اشيل النيشان من اول طلقة ... اذكر يوم كنت صغير ( يمكن باول متوسط ) وكنت حضري واحلق تواليت ... كل اجازة نجي لرفحاء وبعده نطلع لديرتنا ... المهم دايم يرمون وكنت اخاف من صوت الرمي وماخذ ابعد مكان ببعيد الشعر ... وكل ما رمى واحد نزيت بس انا اخر واحد ومحد يشوفن

بطبيعة الحال به ناس ما يكلمون ابوي وكانوا بواردية وما صابوا النيشان ... ابوي لقاه فرصة وقام يعلق هالنيشان يصيبه الوغد وهذولاك ارتفع ضغطهم ... قالوا الحاضرين والله والنعم بك يابو .... ما يصيبه الا انت وجابوا له الرشاش ... ابوي قال والله ماني رامي فيد هالوغدان يا .... ( اسمي ) اول ما سمعت اسمي قمزت وقلت هاه يبه وجيته

تبي الصز ؟ ما كنت متوقع يقول ارم بس وش اسوي مقرود ومحاكيك ما يقدر يخالف التعليمات ... امشي بالحرف الواحد ... قال لي سدد زين ولا يتحرك الرشاش وخذ المركى وحطه عليه ... الزبدة سددت وشلت النيشان قال ابوي شفتوا ما قلت لكم يصيبه الوغد ؟

وفيه قصة ثانية اطول من هذي بس تبي الصز تعبت