(محتـــاااار) بعد زواجي وين أرووووووووح

[رداد]

كويس تسلم الله لايخلينا منك ومن طيبتك

[الحسن المثير]

الله يبارك لكم وانشاءالله انها بركه وخير عليك ويرزقكم بالذريه الصالحه

العمره امر لابد منه ومافيها تفكير اروح ولا مااروح

لكن اذا تبي نصيحتي لاتروح لماليزيا هي صج حلوه بس تراها حر موذاك البراد وبعدين انت تقول بالصيف بتروح وماليزيا بالصيف فل من الخليجين

اتكل على الله وروح لسنغافوره ترى يمدحونهاااااااا

واذا تبي الرخص روح لتايلندا وبالمره احسن لك بالنسبه للهدايا تدري المره تبي هدايا لاهلها ولاهلك عقب ماتردون ان شاء الله فترى تايلندا تقليد الماركه رخيصه فوق ماتصور سعر تقليد الماركات توصل 15 ريال تقريبا يعني ماراح تكلف بالتسوق حط في بالك الهدايا لاتغيب عنك

واذا تبي المناظر الزينه والنظافه روح لسنغافوره اما ماليزيا ملهت من كثر الخليجين وبيني وبينك الديره الي يكثر فيها ربعنا انحاش منها تخرب والله <<< مو احنا دمار للعالم هههههههههههههههههههههههه

[عمر بن عبدالعزيز]

السلام عليكم

بارك الله لكما وجمع بينكما بكل خير

[الواثق]

بعد زواجك خل اول رحالك انت واهلك في رحاب بيت الله ( عمره )

[رداد]

الحسن المثير الله يبارك فيك ويسلمك
سنغافورة مااعتقد انها تنفع شهر عسل لاني اسمع انها دولة نظامية حيل ومافيها سياحة زي ماليزيا وجوها زي ماليزيا يعني كلهم حر وبالنسبة للشوبنق انا أفضل اني اشتري أشياء من تراث البلد نفسها والماركات نحصلها عندنا في الرياض

عمر بن عبدالعزيز ، الواثق الشرقوي
الله يبارك فيكم ان شاء الله وشكراا لمرور الجميع

[رداد]

الرجل الذي كويس وييييين الوعد ؟

[الرجل الذي كويس]

حبيبي رداد الوعد وصاحب الوعد موجودين,,, بس اامر انا عندي صور خاصة مصورها بنفسي لكل مكان او جزيرة تحب تروحلها سواّ بماليزيا ولا غيرها من دول شرق اسيا +ارقام بس اذا تبيها هنا ولا على الخاص الي يريحك,,, بس عزم انت ,, بس تكفى لازم تروح للطايف اول ولاتنسى الشنطة الي مرسوم عليها طيارة الخطوط السعودية (رحلة سعيدة) ههههههههههه لانها تعطيك جو وانت ماسك طريق الهدا,,,والشنطقة بسلة السوبر فوق,,,عموما رداد واللة اني صادق متى مانويت حاضرين حتى الحجوزات اظبطك,, واللة يباركلكم ويسعدكم انشاللة.

[الرجل الذي كويس]

اخوي رداد انا جمعتلك بعض الصور وانشاللة انها تعجبك

1_اول صورة في منتجع على البحر في جزيرة ماليزية بين ماليزيا وتايلند..


هذا بكوخ داخل المنتجع...


عالم ما تحت البحار....


هذا مسبح المنتجع....


داخل المنتجع..... بيلانقي بيتش...


داخل ابراج كوالا لمبور (التوأم)...


طبعاّ اخوي رداد فية صور كثير بس يبغالها وقت...

وهذي لصورة لأحد من جبال الطايف قبل سنتين,,, حطيتها تبرئة للذمة وعلشان المقارنة.




دمتم.....

[رداد]

الرجل الذي كويس تسسسسسسسسسسسسسسسسسسلم أخوي وماقصرت على الصور اللي أكثر من رائعة وفعلا حمستني أروح ماليزيا كفيت ووفيت يالغالي ويمكن احتاجك في بعض الاسئلة بس هذي خلها خاصة بيني وبينك
لكن ؟؟؟ عندي سؤال انت اللي في الصورة ؟ مدري وجهك وشكلك موب غريب علي! تصدق تشبه واحد من اصدقاي صار لي زمان ماشفته ! عموما انا شاكر ومقدر فزعتك والله لايحرمنا منك لأنك فعلا كويس

[الوسام]

أقولك شكلك دخت من العروض لكن خذ نصيحة أخوك مافي دوله سياحيه ماجيته لكن شباب والله أنقذنا من مواقف كثيره ...بعد أسبوعك عند أهلك خذ عروستك وأطلع عمره وبعده الطايف وأسكن بالشفا وتمشى لجده بعد أفضل من تعرض نفسك وعروستك للحرميه والعصابات بالخارج وتعيش أجواء خوف وقلق نفسي.. الاماكن هذي حقت جمعت شباب تشجع بعض في كل شي

[رداد]

هلا اخوي الوسام كلامك جميل ومنطقي بس الطايف وجده وشفيهم شي يبسطك ؟ هذا غير الاسعار اللي تكسر الظهر وتكلفة عشر أيام بجدة تكفي عشرين بماليزيا ..
بصراحة أنا خلاص قررت !! رايح لماليزيا رايح حتى لو المره ماتروح أروح لحالي لان المسألة خلاص ( كبرت في راسي )

[الرجل الذي كويس]

عزيزي رداد ما سوينا الا الواجب وحاضرين في اي وقت ...
واللة يباركلكم ويجمع بينكم بخير....

[شخصيه مستهدفه]

اعتذر للجميع عن رفع الموضوع
حاولت الاتصال عن طريق الرسائل الخاصة مع العضو الذي كويس وحاجتي لمعلومات اكثر عن ماليزيا
وطرق الحجز استدعت مني الكتابه هنا

( الغالي الذي كويس بما انه حنا في منتدى رفحا اكيد انه عيال ديره الله لايهينك ابي معلومات اكثر وفزعه بالحجوزات والفاوتشرات )

[الرجل الذي كويس]

هلا اخوي شخصية مستهدفة ,,,,, المعلومات انشاللة راح انزلها بموضوع كامل بالتفصيل لصيف 2007

[برق]

اكيد انك والمعزبه بتمرون على مكه الكرمه وتاخون عمره

وانا ابفيدك بهالرابط بتحصل فيه كل شي تبيه بمكه سكن وغيررررررره

http://www.makkahgis.net/Default.aspx

اسأل الله ان يبارك لك في اهلك ويجمع بينكم بالخير (وبالرفاء والبنين)