رأيي بحفل المنطقة الترحيبي بخادم الحرمين الشريفين (حفظه الله) 20/4/1428 هـ

[المسكين]

الحفل بشكل عام زين لكن الملاحظ تغيب رفحاء وطريف بإستثناء البنية الله يخليها لهلها نقدر نقول أنها مثلت رفحاء الشاعر البليهي كان رائع جدا وقد وضع يده على جرح كثير من أبناء الشعب وليس الشمال فقط وعسى يكون باب خير لضحايا الأسهم وأجمل مافي قصيدته هالأبيات الأسهم وطرفي النقيض الغالي والمفرط وحنا أمة وسط :

ياوطنـا تدلـل واطلـب اللـي تريـد = دام ربـي مكـانـك مـيّـزه وافـرقــه
بلدةٍ طيّة والرب ربٍ حميـــــد = وحاكمينٍ بشرعه والعطــا مغدقـــــــه
عل منهـو يكيـدك ربنـا لـه يكيـد = وعـل منهـو نوابـك نيّتـه تسحـقــه
وعل يرجع وينـدم كـل خبـلٍ بليـد = عن سماع الهدى والحـق صابـه صقــه
يحسبنـه ليافجّـر تـوفـى شهـيـد = أمحقـه مـن توجـه أمحقـه أمحـقــه
وعل يرجع ويندم كل غـاوي عنيـد = راعــي العلمنة والفسق والزندقـــــة
اللي بالغـرب والكفـار دايـم يشيـد = لعبةٍ في كفوفٍ سـود مسـتشـرقـــــه
مشكلتنا من الصنفين عمرو ويزيـد = اللـي سنـدان واللـي للأسـف مطرقـــة
العــدو من تنطعهم هو المستفـيد = صنف من غير وعي وصنف مسترزقة
ياوطنا ترى حبك لشعبك رصــــيد = حتى لوسوق الاســهم شلحّه وسرقـــه
سوقٍ اودع بَعَضنا مثل حب الحصـــيد = وبَعْـضـنا شيّب بعينه قبل مفرقــــه
وبعضنا لوضحك بالوجه ماهوســـعيد = الديـــــون ارثعت به والفقر يبحقـــه
والامل في ملكنا جعل عمره مـــــديد = والاّ الانسان ربه كافــــلٍ يرزقــــه
ياوطنا أخيرا هاك بيت القـــــــصيد = يامـداد الهـدى والـحـق يامشـرقــه
لك عيالي ومالي قل لي هل من مزيــــد؟ = إيه راسي فداك اليـــوم لوتـــشنقه
صغتلك ياوطنا من ضميـري نشيـــــد = شاعره يفتخـر بـه يـوم جـف عرقـه

وكذلك مقلد خلف وكلمة الأهالي مهذبة جداً واليتيم كان لسان صدق للأيتام والأرامل أجمل ما بالحفل إنه بدون موسيقى وأسوء مافيه الإضاءة والتقديم للحفل والتكسير بالكلام ياحيف كن مابالشمال فصيح ليتهم أخذين هبوب الريح يقدم حفلهم أما الدحة فأنت من أهلها وأعلم بها ومن نظري سوء الإخراج والإضاءة أفقد الدحة طعمها الرائع .