رجل أمن قال لي .... لماذا لم تربط حزام الأمان ؟!

[رفحاوي]

قبل عامين كنت معزوماً في "العويقيلة ...

تذكرت أحد الأخوة كان يقول اذا ذهب للعويقيلة :

سأذهب خمسة عشر عاماً الى الوراء ....

نظراً لتخلفها ...

لا علينا ...

أرجع لقصتي ...


قبل عامين كنت معزوماً في "العويقيلة ...

كنت بسيارة وكانت معي المعزبة "أدام الله ظلها" وبعض صبيتي الصغار الذين لا يعوون ما يدور حولهم ...

أخوتي كانوا بسيارة خلفنا ...

بإختصار كان جو رومانسي مليء بالإشارات التي تتطاير أمام مرأى ومسمع أحبابنا "حفظ الله الجميع" ...


ودون أن نشعر وفي هذا الجو المفعم بالحب والغزل إقتربنا مما يسمى بالـ"العويقيلة" ...

فوجدنا نقطة تفتيش أو "تفليش" كما أسماها أحد الأخوة في هذا المنتدى ...

توقفت بطبيعة الحال عندها ودار هذا الحوار الراقي بيننا :

رجل الأمن بنفس خايسة : ليه ما ربطت حزام الأمان ؟!!

رفحاوي بإبتسامة وراءها ما وراءها: ماهو شغلك ...

رجل الأمن وهو غضبان أسفاً للريش منتفشاً: إلا شغلي ...

حاولت أن أهدئ من غضبه وثورة الشك لديه وإبتسمت إبتسامة أطول من الأولى وقلت: لا ماهو شغلك ...


حاول رجل الأمن أن ينتصر لهيبته المصطنعة وقال: طيب آخذ عليك مخالفة ...

فإبتسمت إبتسامة أطول وأطول وقلت: إيه هذا شغلك ... لكن لا تسألن ليه ماني رابط حزام الأمان ... إذا أخطيت طبق علي النظام وحرر المخالفة اللي تبي ...

قال رجل الأمن : طيب هات الرخصة والإستمارة وسفط على جنب ...

عطيته الرخصة والإستمارة وسفطت على جنب ...

سفطوا اخواني وراح واحد وجاب الرخصة والإستمارة والمخالفة ومشينا ...

علمت أهل العويقيلة على أسلوب العسكري وبالنسبة للمخالفة ماني معلمكم وش صار به ...


السؤال

ماكو أحد يدربهم ويعلمهم اللباقة والنظام ووش المطلوب منهم ؟!!



ملاحظة

حزام الأمان مهم وضروري وقد أخطأت بعدم ربطه نظراً لأهميته ...

[القروي]

الحمدلله
المشكله قبل عامين وتوك تنزلته وش المناسبه ؟

لو ماعطاك المخالفه ماهو ولد ابوه سلملي عليه
ماهو من اعضاء المنتدى تتهزاء عليه هو اعطاك الواجب بكل اريحيه

[رفحاوي]

الحمدلله
المشكله قبل عامين وتوك تنزلته وش المناسبه ؟

لو ماعطاك المخالفه ماهو ولد ابوه سلملي عليه
ماهو من اعضاء المنتدى تتهزاء عليه هو اعطاك الواجب بكل اريحيه

[align=center]

المناسبة هالموضوع اللي بهالرابط:

http://www.rafha.com/vb/showthread.php?t=20719

بالنسبة للمخالفة ما راح اعلق عليه عشان ما تنصدم ...

بالنسبة لأني اتهزأ بأعضاء المنتدى هذي يبي له اثبات ...

أثبت اني اتهزأ بأعضاء المنتدى يا سعادة المشرف ....


أنتظر ردك ...


[/align]

[عمر بن عبدالعزيز]

اهم شي المخالفه وين راحت

اذا انت من ربع .. مسقطها يعني مسقطها

ترا عندي كم مخالفه ياليت ما تنساني يا رفحاوي

وبالنسبه للقصه فكلامك عين العقل

انا استغرب من العسكري اللي يتدخل بامور مهي من اختصاصه

عطني مخالفه ومشيني .... ولا تزعجني .... هذا هو الصحيح

تحياتي لك

[رفحاوي]

وبالنسبه للقصه فكلامك عين العقل

انا استغرب من العسكري اللي يتدخل بامور مهي من اختصاصه

عطني مخالفه ومشيني .... ولا تزعجني .... هذا هو الصحيح

تحياتي لك

[align=center]

الله يحييك أخوي عمر بن عبدالعزيز ...

ما أبلش باللي يازن الأمور مثلك ...

قاعدتي ودايم اقوله لأخواني لا تمسكن لعسكري سواءاً كنت مخطي او مظلوم ...

كل المخالفة مية او ميتين او حتى خمسمية أو اكثر ما تسوى احد يهين نفسه عشانه ويتطلب ويتمسكن ...


أذكر ببريطانيا دفعت 3 مخالفات (وقوف خاطئ) وحدة بحوالي 650 ريال والثانية بحوالي 700 ريال والثالثة بحوالي 1000 ريال ...

قلت لنفسي يا ولد دامك دفعت لهالكلاب (الله يعزكم) هالفلوس بالغصب ليه ما ادفع لربعنا بالطيب ؟!!


عشان جذي (كذا بالكويتي) اتقبل المخالفة لقيمته البسيطة ولحفظ كرامتي وهذا أهم شي من تطلب عسكري همجي ...


بعض العسكر يبيك تطلبه عشان يرضي غروره ...

[/align]

[المحكمه]

القروي
الله يصبرك انشاء الله وذا اخذت مخالفه يغالي سدده
اما ربط الحزام فهو من مصلحتك انت قبل كل شي
والمفروض من العسكري يقولك اربط الحذام واذا رفضة
من حقه انه يعطيك مخالفه
هذا الي يمر علينا عند نقاط التفتيش
ولا انا مانه عسكري ولا افهم في الامور
بس نقول الي مر علينا
انا مريت نقطة تفتيش ونا السواق وقفنا انا رابط
الحزام قال عطني اثباتك وثبات خويك
عطيته على اساس ان مافيه شي
تخيل انه حرر مخالفه بسم خويي
قلتله ليش
قال ليش ماهو رابط الحزام
قلت خلاص يربطه لو تبيني اكتفه بعد
قال توكل على الله
طبعا انا رحت الى خوي مستانس
قام يضحك على عطوك مخالفه تستاهل ههههههههههههه
ماعلمته انه له حتى ابعدنا عطيته المخالفه
او قمت اضحك قلت هذي لك
قام يشتم اويلعن
حلوههههههههههههههههههههههه

[شخصيه مستهدفه]

الخطا وارد يعني اخطيت من وراها مخاله وانتهى الموضوع
بس الشي اللي يرفع الضغط انه العسكر هاليومين منتشر عندهم مرض غريب وانا اقصد بالعسكر اللي موجودين بنقاط التفتيش على الطرق..كل واحد يبغى يحس بالمكان اللي هو موجود فيه ويمكن انعزالهم عن العالم ولد عندهم حقد على البشر
الاسبوع اللي طاف انا كنت راجع من رفحا للرياض وقابلت تفتيش قبل الحفر.... الشي اللي شفته من العسكري نفس خايسه يدفش الكلام دفش واللي رفع ضغطي اكثر يوم مالقى اي شي غلط يقول عدل جلستك قلت له ماحنا في مجلس الله يعافيك ارض قاحله ورانا طريق طويل وبالاول والاخير المفروض اني ما اجاوبك على طلبك لانه مو من شغلك

الضاهر عسكرنا يبغالهم دورات مكثفه عشان يعرفون يتعاملون مع البشر

[رفحاوي]

القروي
الله يصبرك انشاء الله وذا اخذت مخالفه يغالي سدده
اما ربط الحزام فهو من مصلحتك انت قبل كل شي
والمفروض من العسكري يقولك اربط الحذام واذا رفضة
من حقه انه يعطيك مخالفه
هذا الي يمر علينا عند نقاط التفتيش
ولا انا مانه عسكري ولا افهم في الامور
بس نقول الي مر علينا
انا مريت نقطة تفتيش ونا السواق وقفنا انا رابط
الحزام قال عطني اثباتك وثبات خويك
عطيته على اساس ان مافيه شي
تخيل انه حرر مخالفه بسم خويي
قلتله ليش
قال ليش ماهو رابط الحزام
قلت خلاص يربطه لو تبيني اكتفه بعد
قال توكل على الله
طبعا انا رحت الى خوي مستانس
قام يضحك على عطوك مخالفه تستاهل ههههههههههههه
ماعلمته انه له حتى ابعدنا عطيته المخالفه
او قمت اضحك قلت هذي لك
قام يشتم اويلعن
حلوههههههههههههههههههههههه

[align=center]

ههههههههههههههههههاي

يستاهل خويك ...

مشكور انك ذكرتن ان به عسكر قمة بالاحترام والادب والتعامل الراقي ...

بعضهم ودي يدبل المخالفة ولا انحرج معه بعد ما يمشينن ...


[/align]

[رفحاوي]

[align=center]

تذكرت قصة صارت لي مع أمن الطرق اللي حول الحفر وانت طالع لرفحاء ...

كان معي واحد قريب لي ابن حلال ...

وقفونا وطلبوا الرخصة والاستمارة ...

مدري كنت مسرع والا عشان حزام الامان ...


المهم به عسكري جاء لقريبي اللي راكب معي وسلم عليه ...

وقال للعسكري اللي اخذ الرخصة والاستمارة خله عشان فلان (قريبي الخبل) ...

يعني قدرونن عشانه ...

ارتفع ضغطي وقلت عطن مخالفة ههههههههه

[/align]

[أبو هيا]

وش قصتك يارفحاوي هاليومين ابراجنا ماعادت وحده ههههههههههه

تبي الصراحه...انت مخطئ..كيف تقول للرجال مو شغلك..هالحين جالس بهالقايله وماهم حاطين له حتى خيمه يتقهوى به((وزارة الداخليه)) وانت جاي تقول له ماهو شغلك..انت مثل اللي يبي يذبح له رجال ويقول خلوني اذبحه وطبقوا علي القانون بعدين...لالا يابو رفحا..يو مست بي أ ديفينسف درايفر آند يو شود ريسبكت ذا رولز ..الحمدلله ان اطفالك ماهم فاهمين مايدور حولهم((ماهو علشان الجو العام داخل السياره هههههه))علشان مايشوفون قدوتهم وهو يتعالى على رجال الامن ويكشخ بفلوسه عليهم

[رفحاوي]

وش قصتك يارفحاوي هاليومين ابراجنا ماعادت وحده ههههههههههه

تبي الصراحه...انت مخطئ..كيف تقول للرجال مو شغلك..هالحين جالس بهالقايله وماهم حاطين له حتى خيمه يتقهوى به((وزارة الداخليه)) وانت جاي تقول له ماهو شغلك..انت مثل اللي يبي يذبح له رجال ويقول خلوني اذبحه وطبقوا علي القانون بعدين...لالا يابو رفحا..يو مست بي أ ديفينسف درايفر آند يو شود ريسبكت ذا رولز ..الحمدلله ان اطفالك ماهم فاهمين مايدور حولهم((ماهو علشان الجو العام داخل السياره هههههه))علشان مايشوفون قدوتهم وهو يتعالى على رجال الامن ويكشخ بفلوسه عليهم

[align=center]
ههههههههههههاي

يالغالي احد يروح للعويقيلة بصنقرة ام عميد ؟!!

ليه انا بايع روحي ؟!!

كان الوقت قبل المغرب بقليل ...

بالعكس كان الجو لطيف لكن تخبر بعض العسكر يستزيلون ...


[/align]

[وهج]

الاولى
قويه

الثانيه البريطانيه
وززززززززطع

الثالثه
اقواهن

[رفحاوي]

الاولى
قويه

الثانيه البريطانيه
وززززززززطع

الثالثه
اقواهن

هههههههههههههههههههههه

اختي وهج لا تواخذينن ...

ترينن اكتب للي يثق بي