قصيدة عن بنات اليوم

**المحكمه** · 04 Jun 2007, 04:23 AM

هذا بنات اليوم برقـع وجـوال .. ولاعبايـة كتـف هـم يلبسوهـا

والراس فوق الراس طرحه مع الشال .. حتى الخصال الطيبة افقدوها

يوم البنات اللي غدٍ سبت اهمال .. ويوم السبايـب اهلهـا هملوهـا

الأم نامت والابو صار تمثال .. والبنت راحت ويـن مـا يسألوهـا

بالليل تسهر بين هاتف وجوال .. والا على دش الفلـس سهروهـا

اقفاي هي ما بين الاسواق واقبال .. بلا غرض راحت ولا انشدوهـا

اللبس تلبس كل ما يطرب البال .. وفلوس لو تنقص عليها عطوهـا

من شافها باللبس يا ساتر الحال .. يسبهـا ويسـب مـن خلفوهـا

كومة لحم وعيون والرمش قتال .. ويلا مشت كل الشبـاب اتبعوهـا

هم ما دروا لون البراقع بتنشال .. ونشوف وش تحت البراقع خفوها

يرتاح من صابه من اسبابها هبال .. ويشوف والله من عيونه هووها

وين البنات اللي بهم تضرب امثال .. ليت السلوم الطيبة ما تركوهـا

البنت زين البنت لا زانت الحال .. ما هو بلبس ولا علـوم خذوهـا

وين المراجل ما بقى غيره ارجال .. ليت الشوارب واللحى حلقوهـا

اللي على عاره رضي الذل ينقال .. ليت الكرامـة ليتهـم يرفعوهـا

ما عاد ينفع قول فيها ولا قـال .. لا الأم والله ولا الأبـو انفعوهـا

اصبح ضياع البنت بسباب جوال .. البنت ضاعت والأهل ضيعوهـا
وهذى قصيده تتكلم ع شريحه معينه وعدد محدود والا اكثر بنات اليوم فيهم الخير والبركه

ابي ردوودكم حبايبي

**رفحاوي** · 04 Jun 2007, 10:34 AM

صح لسانك ولسان الشاعر ...

القصيدة وسط ...

لا هي القوية ولا هي الضعيفة ...

**القروي** · 04 Jun 2007, 05:30 PM

الحمدلله
صح لسان قائلها
القصيده خمس نجوم فكاهيه اجتماعيه واعظه كامله مكمّله

شكراً يامحكمـــــــــه.

**المحكمه** · 05 Jun 2007, 02:14 PM

رفحاوي خير الامور الوسط
وهم شي اانه تعجبكم كما اعجبتني:i :i :i

**المحكمه** · 05 Jun 2007, 02:18 PM

بيض الله وجهك ياقروي
الله يحلي ايامك
ونت خمس نجوم
شكرا لك
تحية اعجاب لمن يستحق الاعجاب

**وليدوو** · 16 Jun 2007, 03:34 AM

مشكور الغالي وربي قصيده حلوه وتحكى عن بنات اليوم وانت صادق حالتهم يرثى لها بس لا حيـــــــــــــــــــاة لمن تنادى والله يستر على بنات المسلمين وبنت الرجال لايمكن تسمح لاي مخلوق يمس شعره منهاا سي يو

**صمت مغتربة** · 16 Jun 2007, 05:01 AM

سارد عليك اخوي بشعر يمكن ماله داعي بس عاجبني وبقوله....

أنا بنت من السعوديه لو كنـت تعلـم................ أنـا الشريفـة أنـا العفيفـة بنـت الكـرام

وشرفي ما أبيعـه لـو كنـت تفهـم ....................وخوفـي مـن الله يمنعنـي مـن الحـرام

مـو كـل طيـر ينوكـل لحمـه لــو تحـتـم............ ولا كــل غــزال مـتـروك صـيـدا لـلأنـام

من السعوديه أنا وبحكمك لا تعمـم ...............وفسـاد وحـده مـا يضـر رفيعـات المقـام

عمري ما كنـت ضحيـة لكـل مـن يسلـم................ وعمـري مـا كنـت لعبـه بيـد اللئـام

أنا مثل الجبل صامـدة مـا استسلـم .....................ولا تهزنـي مـن شـاب كلمـة غـرام

ودرب الشـوك أنـا فيـه مـا أتقـدم .......................لأنـه متعـة ساعـة وحسـرة أعـوام

من قصة يوسف يا الغشيم تعلم ...........................ومن الرسـول محمـد خيـر الأنـام

كلامك سمعته من جد أنا أتألم....................... وعرفت إن شرف البنت في الاحتشام

اسأل الله اللي با الحال اعلـم ..................يحفـظ بنـات السعوديـه مـن دروب الظلام

وسلامتكم.............

تحيتي
صمت مغتربه

**سعود0** · 16 Jun 2007, 11:55 AM

صح لســــــــــــــــــــــــــــــــــــــــــــــــ ـــــــــــــــــــــــــــــــــــــــــــــــانك

**البشت الطاير .** · 17 Jun 2007, 03:32 AM

البنات العفيفات احلى شي بالحياة

**الرادار** · 17 Jun 2007, 02:51 PM

الكصيدة بالضبط
اعتبرة مقال في جريدة

**المحكمه** · 19 Jun 2007, 04:23 PM

ونت صادق ياولد ابوه
فيه بنت عاقله عقله يازن بلد
اوفيه بنت ماعندك احد
الله يستر على بنات المسلمين

**المحكمه** · 19 Jun 2007, 04:28 PM

صح بدنك ياسعود
البشت الطاير
والله انك صادق يغالي
شكراً على مروركم

**المحكمه** · 19 Jun 2007, 04:32 PM

هلا في الرادار
شكراً على مروغك
تشرفنا يغالي

آخر المشاركات

الموضوع: قصيدة عن بنات اليوم

أدوات الموضوع

تقييم هذا الموضوع

عرض

قصيدة عن بنات اليوم

مواقع النشر (المفضلة)

مواقع النشر (المفضلة)

ضوابط المشاركة