تابع إسماء الإناث

**الدب الداشر** · 05 Jul 2007, 11:08 AM

يالله عاد مبروووووك عليك الحجي رفحاوي .. نبي نسوي عرس بحرااني ..

هاهاههاهاههاهاهاااي .. الطقاقات صمت والمهجولة .. هههههههههههههههههههههههههههههه

**بنت الخليج** · 05 Jul 2007, 12:42 PM

الدب الداشر إذا تحب رفحاوي و تبي تعرسه عطه وحدة من خواتك،مو تقص علي لأني بحرينية و تلزقه بي.
(ملاحظة تقصد عرس بحريني لأنه تفرق عندنا كلمة بحريني و بحراني........بحراني تنقال للشيعة بس)

***العنا*** · 05 Jul 2007, 01:11 PM

هههههههههههههههههههههههههههههههههههههههههههههههههه هههههههههااااي ..

بنت الخليج لا يقص عليج و يعطيج سعودي ..

بعدين وين يروحون البحرينين ،، ابعطيج بحريني ..

ما نبي يصير إختلاط في الجنسيات ..

و نكثر العنصر البحريني

..

المشاركة الأصلية كتبت بواسطة الدب الداشر

نبي نسوي عرس بحرااني ..

ههههههههههههههههههههههههااي

جهز مخك

..

بتتعب ويا أعراس البحارنة ،،

و أسأل بنت الخليج إذا تعرف شلون

..

**بنت الخليج** · 05 Jul 2007, 01:20 PM

هلا هلا العنا،يا بعد عمري خايفة على مصلحتي..................و النعم بأهل السعودية كلهم نتشرف بنسبهم ...........بس أهلي ك
أهلي ما يعطوني إلا للي مني و فيني ما أظن أصلح لسعودي.

العنا ما فهمت،علمينا عن عرس البحارنة؟

***العنا*** · 05 Jul 2007, 01:24 PM

هلاا زود بيج يا الغلا ..

و الله أحسن لج تأخذين من هلج ..

إيه و الله لازم أخاف على خواتي البحرينيات

..

و عن أعراس البحارنة ..

يبي لها شرح مفصل ..

بيني وبينج ..

ما لنا بالطويل

..

**بنت الخليج** · 05 Jul 2007, 01:27 PM

العنا ،ما فهمت تحمليني و شرحي

***العنا*** · 05 Jul 2007, 01:37 PM

حبيبتي و الله ..

أشرح لج ما طلبتي شي من عيوني ..

:

بالمختصر المفيد جداً ..

أول ما يجي يتقدم للبنت ..

المعادل > يتعادلون عليها وش لها وش عليها ..
الملجة > فيها عقد و تصير حلال عليه ..
الخطوبة > و هي الفترة اللي يكمل فيها الشاب نفسه ,, و يتعرفون على بعض أكثر ..

> يعني هذا يمكن فيه شي مثلكم ,, بس الجاي .. لا و الله غير وآيد ..

إلحين الزواج ..

المولد > إنه يصير قراية مولد من أهل البيت و هذا يصير في العصر ..
ليلة الدخلة ( الزفة ) ويا الجلوة > يعني شي مثلكم ,, و فيها الجلوة اللي هي يخلون العروس و المعرس و يقعدونهم ,,
و يجيبون مثل مدري شتسمونها ,, مثل قطعة القماش ،، اللي نصلي بها .. ( نسميها مشمر ) .. و يقعدون يجلونهم ..
بعدين يجي صباح الصبحة ..
و إهني عاد من الصبح و في حلوه من شويطر و ريوق من اللي يعجبني

..
و في العصر يصير جلوة مرة ثانية بس للعروس و يلبسونها ( سبعة المشامر ) و مولد و خلاص ..
و بعدين تجينا سبعة الأيام حقت المبارك ,, و البعض يسوي وجبات غذا و الا عشا ..
و يخلص الزواج و بس ..

عاد هذا الشي الأساس .. إلحين وآيد حرفوا فيه ..
يعني قليل من البحارنة حالياً تشوفه يعرس جذي ..
بس هذي الأصول البحرانية ..
و حلاة العرس البحراني جذي

..

إذا ما فهمتي شي ,, عادي لا تستحين كلنا من البحرين

..

**بنت الخليج** · 05 Jul 2007, 01:49 PM

لووووووووووووووووول ،مشكورة ،ألحين فهمت إحنا غير

إذا ياو و خطبوا الريايل، تصير جلسة بين الحريم و يتفقون
بعدين تصير الملجة
بعدها تصير حفلة للبنت ،طبعا حفلة خطوبة ،تلبس فستان سهرة عادي و تدخل بدون المعرس
بعدها بفترة قصيرة يصيرالعرس ،ما نطول بالملجة
و خلصت السالفة و عليه سعيد و مبارك

**رفحاوي** · 05 Jul 2007, 02:33 PM

[align=center]

ما شاء الله ...

بنت الخليج له لسان وتسولف ؟!!

لا وتعير بعد ؟!!

شوفي يا بنت الخليج ...

اقضبي لسانك لا اقطعه لك مع اللوز ...

بعدين طلعتي بحرينية مانتي كويتية ....

لا تكونين بحرانية مثل العنا وتسوين نفسك طيبة ؟!!
[/align]

**صمت مغتربة** · 05 Jul 2007, 04:29 PM

مو لاقيه اسمي اختي بنت الخليج ,,,
ومبروك عرسك على رفحاوي ,,,
ويادب ياداشر اذا انا طقاقه انت الخال القهوجي ,,,الله الله في الضيوف لا تطنقر عليهم ويجيك شي من رفحاوي
عاد خويك وانت ادرى فيه ......

تقبلي مروري
صمت مغتربه

**الدب الداشر** · 06 Jul 2007, 02:55 AM

بنت الخليج ..

والله يستاهل رفحاوي .. حسب ونسب .. وشهادة .. وعقل وعناد .. وجناطه .. يعني كل مميزات العريس موجوده فيه ..

بس ما عندنا أحد .. كان يبي ينتظر بنتي يبشر .. أو أستقدم له وحده .. لكن نستقدم من حولك عشان يصير بحراني 50% .. هاهاهاااي ..

حجية صمت ... أبشري طال عمرك الشمالي يفتخر بخدمة خويه .. ؛؛) ..

**رفحاوي** · 06 Jul 2007, 03:30 AM

[align=center]
استغربت بعروسهم "ملجة" ...

حسبتهم يتلاججون ...

طلعت ملكة ...

[/align]

**الدب الداشر** · 06 Jul 2007, 05:23 PM

هي تــُــنطـق .. ملـتشه .. بس إختصار ... تكتب ملجه ..

**العود الازرق** · 06 Jul 2007, 05:45 PM

بنت الخليج

باقي منيرة ماجبتيها

**بنت الخليج** · 08 Jul 2007, 07:49 AM

المشاركة الأصلية كتبت بواسطة رفحاوي

[align=center]

ما شاء الله ...

بنت الخليج له لسان وتسولف ؟!!

لا وتعير بعد ؟!!

شوفي يا بنت الخليج ...

اقضبي لسانك لا اقطعه لك مع اللوز ...

بعدين طلعتي بحرينية مانتي كويتية ....

لا تكونين بحرانية مثل العنا وتسوين نفسك طيبة ؟!!
[/align]

إي نعم لي لسان إيش عندك!!!
وبحرينية ولي الشرف
إذا بتهدد هدد بشي تقدر عليه

و أسوي نفسي طيبة ليش!ّ!! ماني طيبة مع أمثالك
ما يناسب واحد بسنك هالأسلوب!
المفروض تكون قدوة لنا و نتعلم منك شلون نرد ردود سنعة مو نتعلم قلة السنع منك.

آخر المشاركات

الموضوع: تابع إسماء الإناث

أدوات الموضوع

تقييم هذا الموضوع

عرض

مواقع النشر (المفضلة)

مواقع النشر (المفضلة)

ضوابط المشاركة