___| ســـ ـ ـــالـ ـ ــفــ ـ ـة الـ ـــ ـــديــــ ـ ـــك |___

**أمواج الشرقية** · 20 Jul 2007, 06:37 PM

[align=center]

___| هــذي قـــصـــة راعـــي الـــديـــك‎ |___

فيه ورع طفران (ماعنده ولا ريال) راح لابوه وقاله : عطني 15 ريال‎ ‎
ودي اشتري كوره
الأب : أقول إنقلع عني تراها واصله معي
الورع: تكفا يبه,,بس 15 ريال والا اقولك خلها عشرة ريال
الأب : ماعندي فلوس ... إذا تبي فلوس رح بع الديك حقك المريض اللي فالحوش ..
الورع :بس هذا مريض ومحد بيشتريه
الاب : ماعلي منك,,,دبر نفسك
والله الورع استسلم للأمر الواقع واخذ الديك
أول واحد قابله في وجهه اكيد أبوه....قاله الورع: تشتري:_ الديك؟
الاب : اقول بتنقلع عني ولا أقوم اتوطا في بطنك؟
الورع :خلاص خلاص لاتنفخ طلع الورع من البيت ومعه الديك في محاوله
يائسه إن الديك ينباع عرض الديك على أهل الحاره كلهم ولا واحد فيهم
قبل إنه يشتري الديك قال الورع: ممممممممم, والله _مالي إلا
فلانه,,عقلها خفيف وأكيد بقدر ألعب عليها بسهوله
فلانه هذي كانت وحده متزوجه بس للأسف كانت رايحه فيها؟

راح لها الورع عشان يبيع عليها الديك
الورع :تشترين الديك تكفين؟
هلا والله بحبيبي .. تعال قرب مني عشان ابوسك بوسه خفيفه
الورع : اقول مانيب فاضي لك .. خذي مني الديك وخليني اروح
تروح وين ياعمري!! انا ماصدقت إني شفت رجال عندي في البيت ...
الورع : ومنهو اللي قالك إن انا رجال ؟ خذي مني الديك وخليني أنقلع
شوي الا الباب يطق خافت الحرمه وقالت للورع تعال إندس هنا في
الدولاب لايطلع زوجي ثم نروح فيها.
حطت الورع في الدولاب وراحت فتحت الباب إلا ويطلعلها صديقها اللي ما يحتاج

الحرمه: هلا والله بعمري وحياتي
الرجال: يا هلا فيكي ياعمري ما أمدا الرجال يكمل كلمته إلا والباب يطق
الحرمه: ياويلي ويلاه,,هذا شكله زوجي,,,تعال وادخل في الدولاب
دخل خوينا في الدولاب وفجأه في عز الظلام سمع صوت يكلمه داخل
الدولاب ويقوله: تشتري الديك؟
الرجال: اصصصصصصص,,,,وطي صوتك الله يرحم والديك لاتفضحنا
الورع : أقول تشتري الديك؟
الرجال : ياخوي خلاص بشتري الديك بس قصر على حسك تكفا
الورع : طيب
الرجال : بس بكم تبيعه؟ _
الورع : ب100 ريال
الرجال : ايش!!!!!!!!!!!! هالديك المنتوف المريض
بـ100 ريال !!!!!!!!!!!! انت مهبول
الورع : تبي تشتري ولا ارفع صوتي ؟
الرجال : لا لا خلاص,,ابشتري وأمري لله جلسو 5 دقايق
الورع : تبيع الديك ؟
الرجال : توك بايعه على يابن الحلال !!
الورع : تبيعه علي ولا ارفع صوتي ؟
الرجال : لا لا خلاص,,اببيعه وأمري لله,,بكم تشتريه؟
الورع : بريال
الرجال: أيش !! بريال !!!! انا مشتريه منك بــ 100 ونت تشتريه مني بريال !!!!! بس
الورع : تبيعه علي ولا ارفع صوتي ؟
الرجال : لا لا خلاص,,اببيعه وأمري لله جلسو 5 دقايق
الورع : تشتري الديك ؟
الرجال : ياخوي توني مشتريه منك !!
الورع : تبي تشتري ولا ارفع صوتي ؟
الرجال : لا لا خلاص,,ابشتري وأمري لله,,,بكم تبيعه ؟
الورع : بــ200 ريال
الرجال : الله يمحط بك انشالله,,,,توني مشتريه منك بــ 100 ريال!
الورع : تبي تشتري ولا ارفع صوتي ؟
الرجال : لا لا خلاص,,ابشتري وأمري لله جلسو 5 دقايق
الورع : تبيع الديك ؟
الرجال : انا لله وإإنا إليه راجعون,,,,,بكم تبي
تشتريه ؟
الورع : بريال
الرجال : وش تبيني أقول !! تبيني أبكي ولا أشقق هدومي ,,,, يالله خذ
الديك وبلاش بعد ما اخذ الورع الديك
شوي إلا والحرمه فاتحه عليهم الدولاب وقالتلهم : يالله بسرعه انحاشو
مادام إن زوجي في الحمام,,بس واحد ورا الثاني وبشويش عشان لايحس فيكم زوجي
طلع الرجال وانحاش ولحقه الورع بعده بـ5 دقايق
المهم ,,,,,,,,,
قام الورع يتمشى في الشارع وهو مستانس إن صار معاه فلوس .. بعدين راح
للبيت يوم دخل البيت شاف ابوه قدامه .. راح قال لابوه: تشتري الديك ؟
الأب ناظر فيه والشرار طالع من عيونه وقاله :
مايكفيك يابن (الكلب) الــ 300 ريال اللي لطشتها مني في الدولاب ؟؟؟ [/align]

**جراح** · 20 Jul 2007, 11:02 PM

حلوه لكن لاتكررها لأنها ماتنبع الا عن رجل بذئ اللسان والنبي عليه الصلاة والسلام لم يكن فاحش ولامتفحش ولابذئ اللسان
وأوجه رساله الى القائمين على المنتدى أن يقوموا بمنع أوحذف الكلمات الغير لائقه والتي تخل بالمروءه
حفاظا على منتدانا .

**جراح** · 20 Jul 2007, 11:07 PM

حلوه لكن لاتكررها لأنها لاتصدر الا عن رجل بذئ اللسان والنبي عليه الصلاة والسلام لم يكن فاحش ولامتفحش ولابذئ اللسان
كما أوجه ندائي للقائمين على المنتدى بحذف المشاركات التي تخل بالمروءه والغير لائقه حفاظا على المنتدى

**صائد الجواسيس** · 21 Jul 2007, 12:20 AM

أمواج الشرقيه

قصه حلوه بس حاول نقلها للياهو

ترى احسن
هذا اذا مانت ناقلها منه

**ذويبان11** · 21 Jul 2007, 01:03 AM

ههههههههههههههه
والله حلوه
بصراحه مااشوف بالقصه شي خطا

**الذروي** · 21 Jul 2007, 01:32 AM

يسلمو ع القصه الحلوهـ

امواج...

**المديرالسعودي** · 21 Jul 2007, 01:38 AM

امواج الشرقيه
تبيع الديك؟
شكرا للعرض

**نادين** · 21 Jul 2007, 01:42 AM

حلوووووووووه

شكرا لك كتير

**العالم** · 21 Jul 2007, 01:50 AM

اخس عليك يالشايب (راعي سوالف خربوطية)

**سام شمر** · 21 Jul 2007, 07:22 AM

ههههههههههههههههههههههههههههههههههههههههههه
الله يعطيك العافيه اختي امواااااااااااج
قصه تموت من الضحك

**أمواج الشرقية** · 21 Jul 2007, 04:20 PM

جراح ..

بل !! .. وش أنا قااايله !! .. هلا فيك

صائد الجواسيس ..

ما فهمت عليك .. بس الرسالة جايتني من قروب على البريد .. يعطيك العافية ..

ذويبان
الذروي
المدير السعودي
نادين
العالم
سام شمر ..

نور الموضوع .. عسى دوم الضحكة ..

( أختكم ) // أموااااج الشرقية

آخر المشاركات

الموضوع: _| ســـ ـ ـــالـ ـ ــفــ ـ ـة الـ ـــ ـــديــــ ـ ـــك |_

أدوات الموضوع

تقييم هذا الموضوع

عرض