ال براهيم ...... لم يحترم اصله ........ واتضح ان ليس له اصل

[العود الازرق]

[align=center]بسم الله الرحمن الرحيم
حبيت في موضوعي هذا أنزل لكم قصيدة رائعه جداً سمعتها للشاعر المحبوب الرائع طلال الرشيد رحمه الله وأتوقع انه بعضكم ممكن سمعها والبعض ممكن ماسمعها والقصيده لها قصه معروفه وهي؟؟؟انه في حلقه من الحلقات استضافت قناة mbc
الشاعر طلال الرشيد رحمه الله..وفي بداية اللقاء قدمت المذيعه الشاعر طلال وهي تقول رحبوا بالشاعر الأمير طلال الرشيد والكل يعرف انه من ثلاث سنين تقريباً سحبت الاماره من ال رشيد..المهم أثناء اللقاء اتصل مدير قنوات mbc الشيخ وليد الإبراهيم على المسؤولين على اللقاء وأخبرهم أن يخبروا المذيعه ان الشاعر طلال ليس بأمير فقامت المذيعه وقالت فاصل إعلاني وراجعين..وعندما عادو تغيرت لهجتها تجاه الراحل طلال فلم تقل الامير طلال كما كانت تقول بل أصبحت تقول الشيخ طلال فاستغرب طلال رحمه الله وعند انتهاء الرنامج اخبرها لماذا حدث ذلك فاخبرته..وقام المبدع طلال رحمه الله بكتابة الأبيات هذي والله اللي يقراها بيعرف مدى حنكة هذا الشاعر وابداعه اترككم مع هذه الأبيات وعطوني رايكم فيها؟؟؟
ياصغير مايكبرني لقب___ومايصغرني الى انكرني صغير
ماخذينا الصيت من جمع الذهب___ولا نسابة شيخ او قربة وزير
كاسبينه من اهل السيف الحدب____الجنايزكان ماجاك النذير
صيتهم نجم على راسه لهب____سمعوا الصقهان به واجهر ضرير
بالوفا تاريخ ابيض ينحسب___لاحكوا بالحق حيين الضمير
ضيغمي للسناعيس انتسب____لابت طلنابها عرش كبير
عند حدك ياكثير الهرج تب____ولاتمر النار وثوبك من حرير
كان لك عز بذلي فتعقب___والله الا تبطي وحبلك قصير
أحسب انك من صناديد العرب___واثر ساترتك عباتك ياغرير
ماحسب للسوس زراع القصب___والقراده مادرى عنها البعير
ولو حسبنا للحسايف والتعب____مابذرنا للعصافير الشعير
عند هلك ابراي لله واحتسب____الرجال اللي مجاراهم عسير
من قريش المصطفى وابولهب____والدغالب ماغشت عذب الغدير
للرجال من الرجاجيل العتب____والزكاة اتحل في حال الفقير
لعن ابو وقت غدينابه حطب____تحرقه نار.....يثورها أجير
ماألومك!! الزمن سوا العجب____هو بقا غير الكرامه بالجفير
ماأذل وراسي يشم اللهب_____لو بقا من شمر طفل غرير
ماأهاب ولا يزلزلني غضب_____والشجاعه ورث والعاقل غزير
ياصغير مايكبر باللقب____غير منهو كان للدونه صغير







[/align]

[البشت الطاير .]

اخي الغالي

العود الازرق

وليد البراهيم انسان ناقص بمعنى ماتحمله الكلمه

تخيل يالعود بان اخر تقليعاته قام بوضع برنامج

والتصويت عليه باشهر شخصيه وكانت الشخصيات

اسماء من الصحابه رضي الله عنهم

وبعض اسماء الفنانات الماجنات

وللاسف الشديد

[برق الصواعق]

الله يرحمه واموات المسلمين

قصيدة رائعة جدا جدا

[راعي غنم]

الساقط ساقط وهذا ابن رشيد يالهيس الله يرحمه

[الحايلي]

ماحسب للسوس زراع القصب @@@@@@@ والقرادة مادرى عنها البعير

تسلم اخوي العود الازرق على القصيدة والقصة

[الدب الداشر]

تدرون وش يرجع البراهيم ... ؟؟

مشكور حجي

[لبني]

أخواني الاعزاء الشيخ وليد الابراهيم أعتقد انه اكبر من هذه الامور ولا تعنيه مثل هذا الامور وطلال الرشيد رحمة الله عليه ماصرح انه صار هذا الكلام واخواني لاتخذكم العزه بالاثم

[صائد الجواسيس]

لبنى

شكلك من المعجبات بالابراهيم

لاكن تراه مايخش هنا عشان يرقم المساكين الي زيك

طلال رحمه الله واسكنه فسيح جناته

[لبني]

أخي العزيز قرأت كلامك مع الاسف كلامك مردود عليك رحم الله طلال الرشيد رحمه واسعه والشيخ أكبر من كلامك

[الصاعق]

صائد الجواسيس

كلامك عسل

وانت عسل


ولسانك عسل


ولبني مخطي بما قال

[المدمر]

رحم الله طلال الرشيد

[ذويبان11]

رحمة الله عليه

[نـزفـ الجـروحـ]

رحمة الله عليك ياالامير طلال الرشيد وتسلم يمينك اخوي العود الازرق ........
وكنت اتمنى لو القى قصيدة الامير طلال الرشيد ..يازمان الذل زل ........

[نـزفـ الجـروحـ]

(((تعلم ياولد من الشامخ طلال الرشيد)))

لا تصدق نفسك أكثر من اللــــــزوم
مــايباري هامتك غير الظــــــــــــلال
من لمحتك زاد بي رخص العلـــــوم
قمت أحقر نفسي..مافيها مجـــــــــال
جاهل اللي لسخفك وحمقك يلــــــوم
مــادرابك....إتكل يابن الحـــــــــــلال
اللي مثلك عالحكي لازم يصـــــــوم
من عرفتك عيشتك "قيلٍ وقـــــــال"
والمصيبه الدنيا لأشكالك تـــــــدوم
ومـا يروح بنابها غير الجبــــــــــــال
ناسٍ بطيب الفعل تبقى رســـــــــوم
تـعتلي بأرواحنا ولاهو محــــــــــــال
وناسٍ بكثر الردى ترمي سهــــــوم
وبـينها شخصٍ نطر يوم الــوصـــــال
حتى لو يرحل ترى عطره يحـــــوم
ونــضرب بطيبه لكم أعظـــم مثــــــال
يا إلهي وحدك اللي به رحـــــــــوم
وإن سألته جاوب بقد الســـــــــــــؤال
الوفي ولد الرشيد إبن القـــــــــروم
خـبروني من وصل شيمــــة طـــــلال
"سمعوني صوتٍ يهد الهــــمــــوم
وإدعــوا بالرحمه تصب فوقه زلال"
حتى في يوم المفارق هو كتــــوم
وحّد المولى كما وحّـــــد بـــــــــــلال
هذا هو الرجل الذي بكى الغيـــوم
والعقل في غيبته عـــــدى ومــــــــال
ماعرف في دنيته حب "الخشوم"
ولا رضـــــخ إلا لــمــولاه بــكــمــــال
وإنت لو تعبر بحر يومٍ بـــــيـــوم
إستحـــــاله تــعرف أطباع الرجــــــال
ولو توصل خشمك لذيك النجـــوم
أكســــره لو غايـتي تهد الشمـــــــــال
أقلب العيشه على راسك همــــوم
بــــــس إشاره تامـرك يالله تعـــــــــال
ماكفاك بدنيتك غفله ونـــــــــــوم
ومــــــاصحيت إليا تحراك العــــــــدال
إحترمتك فوقها حدود اللــــــزوم
وللأســـف زلاتك تفوق الخيــــــــــــال


ولاء عواد

[سام شمر]

الله يرحمة ويغفر له
والله ابيات روعة مشكور يالغالي
وبارك الله فيك