[poem=font="Traditional Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اشتقت لك هذا ترى كل ماصار = غربه بدونك والملامح يتيمه
اشتقت لك والقلب يشعل كما النار = يرجي تهل من السما لو غيمه
اشتقت لك مره ومرات وامرار = اشتقت لك ولابه أيّة جريمه
اشتقت لك ياصاحبي سر وجهار = اقولها والحال بعدك سقيمه
ياصاحبي ليه التمنّع بالاعذار = مادام خطتنا معك مستقيمه
دار الفلك والوقت يازين دوّار = وانا اتحرّى منك لفته كريمه
حتى الفكر من فعلك اليوم محتار = وانا شجاع وما اعترف بالهزيمه
ترى الرخم نفرقه عن كل الاحرار = لاصار بالجنحان جدّ وعزيمه
قلبي مثل حرٍ على كف صقّار = وقت الهدد يوم الحبارى مقيمه
وارجع واقول الشوق خلاني انهار = ارجع تراها عندي اكبر هزيمه[/poem]