هههههههههههههههههههه انيس لازم تحرجني ؟!!

ولا يهمك ابي اقول لك قصة المثل ( خله على مبنى الشايب ) بس انت المسؤول .. القصة قديمة:

هذا طال عمرك كان فيه واحد جاه ولد عمه وفرح به لان له مدة ما شافه وكان يغليه بالحيل بالحيل ... يوم تعشوا وراحوا الرجال جت مرة راعي البيت و جلست عندهم ... كانوا جالسين حول النار والمرة مقابلتهم..

واثناء الحديث الشيق لاحظ المعزب ان مرته مفسحلة ( ما عندي اوضح من هالكلمة ) ويبي يلفت انتباهها بدون ما يلاحظ ولد ... فكر وقال ما لي الا اخليه يطالع فوق وبعده القى فرصة انبه مرتي ...

قال : الشايب الله يرحمه بنى الدور الاول وجلس ياشر فوق وقال جيت وكملت عليه وسويت وعملت .. الضيف قام يطالع والمرة تطالع مبسوطة بافعال زوجها الله يخليه لها .. اخذ الزوج عود وكان ناوي يدق رجل مرته وينبهه عشان تنزل ثوبه ...

كان الوقت مناسبا لان الضيف عيونه طاير فوق يتابع الانجازات .... للاسف كان راس العود به نار ( يعني مجمر ) ومده باتجاه مرتة الحبيبة ... ولكن العود لامس رجل المرة وكواها فصرخت باعلى صوتها وانفجرت ...

عندها قال الضيف : ما شاء الله سواك زين بس ليتك مخليه على مبنى الشايب ... يعني انه كان شايف كل شي بس طنش ولو ان المعزب تركها افضل من الانفجارات ...

وسلامتك يا انيس ... ولا تحرجني مرة ثانية .