اقتباس المشاركة الأصلية كتبت بواسطة صمت مغتربه مشاهدة المشاركة
اختي امواج..

توني ناظرت تعليقك...

كلامك على العين والراس ....ومافيه اي مداخله عليه ..

لكن ياعزيزتي ...الناس وصلو للقمر في التعليم ...وحنا تونا نسوي زيارات الاجهزه الرسميه

للمدراس ...يعني مااعتقد ان في زيارتهم شي عجيب او مميز ...

ربما بالفعل كما ذكر اخوي اسير بلاقيود ...قد يسببون للاطفال الرهبه ....والا متخيلين انفسهم

مثل اكاديمية الشرطه اللي في سبيس تون ...!!!

اتمنى ان تاخذي رايي من باب الاحترام المتواصل بيننا ...

اما كاتب الموضوع....ليس لديه اي باب للحوار لانه لم يحترم الاراء...


تحياتي لك
صمت مغتربه

حبيبتي ..
مشكلتنا اننا نبغى نطير للقمر قبل لانمر بالمراحل اللي قبلها ..
كيف نطير للقمر واحنا مانعرف نتعامل مع بعضنا ؟ .. كيف نطير للقمر و احنا باقي تنقصنا أشياء وأشياء ..
الدول المتقدمة الحين واللي سبقتنا للقمر .. كلها كانت تنظم مثل هذي الأشياء ..
احنا دولة في طور النمو .. وحتى لو كان تقدمنا بسيط .. أفضل
لأن اللي نكسبه بسرعه راح نخسره بنفس السرعة ..
لو بتبحثين في النت بتلقين صور لبوش بكبره مع حرسه و ناسه جالس في روضه مع بزارينهم .. مو دفاعنا المدني !!
زيارتهم ممكن ماتكون شيء مستغرب .. بس خطوة للأمام حتى يعرف الصغار ان كل شخص له دور في الحياة واننا نكمل بعضنا ..
خافوا .. مو مشكلة .. احنا نخوفهم في البيت من الحرامي .. كيف بعد يخافون من الشرطة ..
وغير كذا إذا خافوا معناها ان أهلهم قصروا في تفهيمهم أن الأجهزة الأمنية موجوده عشاننا والمفروض مانخاف منها .. ونبلغ لما نشوف شي غلط .. نحفظ أرقامهم للطوارئ .. هذي الأشياء تعلم لهم في البيت ..

وأكيد الاحترام موجود والموضوع للنقاش والأخذ والرد ..

تقبلي مني ..